Latest news
A+ R A-

දේශීය පුවත්

altපෙරටුගාමී සමාජවාදී පක්ෂය විසින් ඉදිරිපත් කරනු ලබන ‘වමේ පියවර’ සම්මන්ත‍්‍රණයක් අද (20) දින ප.ව. 3.00ට, කෑගල්ල සණස ශාලාවේ දී පැවැත්වීමට නියමිත බව පෙරටුගාමී සමාජවාදී පක්ෂය පවසයි. මෙහිදී දුමින්ද නවගමුව සහෝදරයා විසින් අදහස් ඉදිරිපත් කිරීමට නියමිතය.


එසේම, අද (20) දිනයේම  ප.ව. 5.00ට පුබුදු ජයගොඩ සහෝදරයාගේ ප්‍රධානත්වයෙන් පේරාදෙණිය විශ්ව විශ්ව විද්‍යාලයේදී ‘වමේ පියවර’ තවත් සම්මන්ත‍්‍රණයක් පැවැත්වීමට නියමිත බව එම පක්ෂයේ මාධ්‍ය ඒකකය විසින් පවසා සිටියි.

දේශපාලන කලකෝලාහල, කණ්ඩියම් අන්තර් සම්බන්ධතා සලකා බැලීමේදී ලංකාව ඇතුළු රටවල් 13ක ත්‍රස්තවාදය ඉහළ යාමේ අවදානමක් පවතින බව ලෝක ත්‍රස්තවාදී දර්ශකයේ නවතම වාර්තා සඳහන් කරයි. 
2014 වසරට අදාල ත්‍රස්තවාදී දර්ශකය ආර්ථිකය හා සාමය පිළිබඳ ආයතනය විසින් ඊයේ (18) දින ලන්ඩනයේදී නිකුත්කරන ලද අතර ඊට අනුව ඇන්ගෝලාව, බංගලාදේශය, බුරැන්ඩි, මධ්‍යම අප්‍රිකාව, අයිවරි කෝස්ට්, ඉතියෝපියාව, ඉරානය, ඊශ්‍රයලය, මාලි, මෙක්ෂිකෝව මියන්මාරය හා උගන්ඩාව මෙම රටවල් වේ. 
මෙම ත්‍රස්තවාදී දර්ශකය ගණනය කිරීම සඳහා රටවල් 162ක් යොදාගෙන තිබේ. ඒ අනුව ඒ හරහා ලෝක ජනගහනයෙන් 99.6% ක් ආවරණය කර තිබෙන බව ආර්ථික හා සාමය පිළිබඳ ආයතනය සඳහන් කරයි. 
මෙවර නිකුත් කළේ ලොව ත්‍රස්තවාදී දර්ශකයේ දෙවැනි වෙළුම වන අතර එමගින් 2012 වසර හා 2013 වසර සසඳා තිබුණි. ඒ අනුව ලොව ත්‍රස්තවාදී ප්‍රහාර හේතුවෙන් අහිමි වූ ජීවිත ගණන 2013 වසරේදී 61%කින් ඉහළ ගොස් තිබේ.
2012 වර්ශයේදී ත්‍රස්තවාදී ක්‍රියා හේතුවෙන් සිදුවූ මරණ 11,133ක් වාර්තා වී තිබෙන අතර, 2013 වසරේදී එම අගය 17,958කි. එසේම 2012 වසර හා සැසඳීමේදී ත්‍රස්තවාදී ක්‍රියාවල වර්ධනය 44%ක් බවද සඳහන් වෙයි. 2012 වසරේදී ත්‍රස්තවාදී ක්‍රියා 6,825ක් වාර්තා වී තිබෙන අතර 2013 වසරේදී එම අගය 1,814 දක්වා ඉහළ ගොස් තිබේ. 
2013 වසරේදී සිදුවූ ත්‍රස්ත ප්‍රහාරවලින් වැඩිම ප්‍රමාණයක් වාර්තා වී තිබෙන්නේ ඇෆ්ගනිස්ථානය, පකිස්ථානය, නයිජීරියාව, සිරියාව හා ඉරාකය කේන්ද්‍ර කර ගනිමිනි. එය සමස්ථ ප්‍රහාරවලින් 80%කි.

altජනාධිපතිවරණය ඉලක්ක කොට රාජ්‍ය දෙපාර්තමේන්තුවක් මගින් සිදුකළ සමීක්ෂණයකදී ජනාධිපති මහින්ද රාජපක්ෂගේ ජනප්‍රියත්වය 54% සිට 47% දක්වා සීඝ්‍රයෙන් පහත බැස ඇති බව මාධ්‍ය වාර්තා කරයි.

කෙසේ නමුත් මෙසේ ජනාධිපතිවරයාගේ ජනප්‍රියත්වය ආණ්ඩුවේ විශේෂ අවදානයට මේ වන විට පාත්‍ර වී තිබේ. විපක්ෂය විසින් තවමත් නිල වශයෙන් පොදු අපේක්ෂකයා කවුදැයි යන්න ප්‍රකාශ කොට නැති පසුබිමක ජනාධිපතිවරයාගේ ජනප්‍රියතාවය පහත බැසීම ගැටළු සහගත බව පෙන්වා දෙන සමීක්ෂණ නිලධාරීන් පොදු අපේක්ෂකයා ප්‍රකාශ කිරීමත් සමග ජනප්‍රියතාවය තවදුරටත් හීනවී ගියහොත් ජනාධිපතිවරණය මහින්ද රාජපක්ෂට අවදානම් සහගත එකක් වනු ඇති බව ප්‍රකාශ කර සිටී.

 

ඉන්ෙෆා ලංකා අැසුරින්..

‘අරගලයක මතකයන් තුළින් වමේ පියවර’ තේමාව  කරගනිමින් මෙයට වසර 25 කට පෙර දිවිපිදූ  ඉල්මහ විරුවන් සැමරීමේ ජනහමුවක් පෙරටුගාමී සමාජවාදී පක්ෂයේ එක්සත් රාජධානී කමිටුව විසින්  පසුගිය 15 වැනි සෙනසුරාදා ලන්ඩනයේදී  සංවිධානය කොට තිබුණි.   
North Harrow -  Savoy  Court     ප්‍රජා මධ්‍යස්තානයෙහිදී   පැවති මෙම සමරු වැඩසටහන හා  සංවාදශීලී ජනහමුව   පෙරටුගාමී සමාජවාදී පක්ෂයේ මධ්‍යම  කාරක සභික  කුමාර් ගුණරත්නම්ගේ මූලිකත්වයෙන්  පැවත්වුණි.  එක්සත් රාජධානියේ වෙසෙන සිංහල තමිල් මුස්ලිම  ලාංකිකයින් බොහෝ  පිරිසකගේ  සහභාගීත්වයෙන් පැවති මෙම ජනහමුවෙහි දසුන් කිහිපයකි මේ. 

altජනාධිපතිවරණය එළඹීමත් සමග ඇමතිවරුන් ගණනාවකගේ ආරක්ෂකයන් ඉවත් කිරීමේ සූදානමක් තිබෙන බව ආණ්ඩුවේ අභ්‍යන්තර තොරතුරු වලින් අනාවරණය වේ. මේ වනවිට රාජපක්ෂ පවුල සමග යම් යම් මත ගැටුම් ඇති කරගෙන සිටින ඇමතිවරුන්ට ලබා දී තිබෙන නිල ඇමති ආරක්ෂකයන් මෙසේ ඉවත් කිරීම සූදානම් වේ.

ජනාධිපතිවරණය සමයේ ඔවුන්ට පීඩනයක් එල්ල කර නැවත රාජපක්ෂ පාලනය වටා එකතු කර ගැනීම මෙහි අරමුණ බව වැඩිදුරටත් හෙළිවේ.

මෛත්‍රීපාල සිරිසේන, රාජිත සේනාරත්න, මර්වින් සිල්වා, ඇතුළු ඇමතිවරු ගණනාවක් මේ අතර සිටින බව වාර්තා වේ.

පසුගිය 15 දින එක්සත් ජනතා නිදහස් සන්ධානය හා එක්වුණු ගම්පොල ආසනයේ එක්සත් ජාතික පක්ෂ ප්‍රධාන සංවිධායක සරත් ගාමිණී ගේ එක්සත් ජාතික පක්ෂ සාමාජිකත්වය අත්හිටුවීම වළක්වා කොළඹ දිසාවිනිසුරු සුජාතා අලහප්පෙරුම අද (17) එජාප නායක රනිල් වික්‍රමසිංහට සහ මහ ලේකම් තිස්ස අත්තනායකට වාරණ නියෝගයක් නිකුත් කළාය.
තමා පක්ෂය හැර නොගිය බවත්, ජනපතිගේ සංවර්ධන වැඩවලට සහාය දක්වන බව පමණක් කී බවත්, පක්ෂ ව්‍යවස්ථාව උල්ලංඝණය කර නැති නිසා සාමාජිකත්වය අත්හිටුවීම වලක්වන ලෙසත් නගරාධිපති අධිකරණයෙන් ඉල්ලා ඇත.
අතුරලියේ රතන හිමියන් විසින් දිවුලපිටිය සංවර්ධන කමිටු සභාපති ධූරයෙන් ඉල්ලා අස්වීමේ ලිපිය අද (17) දින උදෑසන ආර්ථික සංවර්ධන ආමාත්‍ය බැසිල් රාජපක්ෂ වෙත බාරදී ඇත.
ප‍්‍රාදේශීය ලෙකම් කොට්ඨාශ පදනම් කර පිහිටවා තිබූ සංවර්ධන කමිමුවල, දිවුලපිටිය සංවර්ධන කමිටුවේ සභාපති ධූරය භාරදී තිබුණේ අතුරළියේ රතන හිමියන්ට වන අතර සිය ඉල්ලා අස්වීමේ ලිපිය සමඟ එහිමියන් එම ධූරය සඳහා ලබාදී තිබූ නිල රථය අද උදෑසන ආර්ථික සංවර්ධන අමාත්‍යංශයට බාරදී ඇතැයි වාර්තා වේ. 
විවෘත විශ්වවිද්‍යාලයීය ශිෂ්‍ය එකමුතුවේ කැඳවුම්කරු ඇතුළු සිසුන් තිදෙනෙකු  මිරිහාන පොලිසිය විසින් අත්අඩංගුවට ගෙන ඇති බව වාර්තා වේ.
මේ සම්බන්ධයෙන් අප කළ විමසීමදී  එම විශ්විවිද්‍යාලයේ ශිෂ්‍ය නියෝජිතයෙකු පැවසූවේ උපකුලපතිවරයාගේ උවමනාවට විශ්වවිද්‍යාලයේ ආරක්ෂක අංශය විසින් විශ්වවිද්‍යාලය තුළ අනවසරයෙන් රැඳී සිටීම, විශ්වවිද්‍යාලය තුළ පෝස්ටර් ඇලවීම, ආරක්ෂක අංශයට මරණීය තර්ජන කිරීම, යන කරුණු මූලික කරගනිමින් ව්‍යාජ පැමිණිලි දිගින් දිගටම ඉදිරිපත් කළ බවත් එම චෝදනා මුල්කර ගනිමින් මෙලෙස අත්අඩංගුවට ගත් බවත්ය.
වැඩිදුරටත් ඔහු ප්‍රකාශ කළේ එක් ශිෂ්‍ය ක්‍රියාකාරිකයකුට පැමිණිලි 09කට ආසන්න ප්‍රමාණයක් මෙලෙස ගොනුකර ඇති බවත් විටින් විට එම පැමිණිලි විභාග කළ බවත් මේ සම්බන්ධයෙන් විභාග කිරීමට අද (17)දිනයේ මිරිහාන පොලිසියට පැමිණෙන ලෙස දන්වා තිබූ බවත් ඒ අනුව මිරිහාන පොලිසියට ගිය ශිෂ්‍ය ක්‍රියාකාරිකයින් මෙලෙස අත්අඩංගුවට ගත් බවත්ය.
තවද උපකුළපතිවරයා ප්‍රමුඛ විශ්වවිද්‍යාල පරිපාලනය දිගින් දිගටම මර්දනීය ක්‍රියා පිළිවෙතක් අනුගමනය කරමින් අත්තනෝමතික ලෙස විශ්වවිද්‍යාලය හසුරවමින් සිටින බවත් ආණ්ඩුවේ ප්‍රතිපත්තිය වන අධ්‍යාපන විකිණීමේ ප්‍රතිපත්තිය විවෘත විශ්වවිද්‍යාලය තුළ ක්‍රියාත්මක කිරීම මෙහි අරමුණ බවත් මෙවැනි ක්‍රියා හරහා අධ්‍යාපනය විකිණීමට හා ඒ වෙනුවෙන් ක්‍රියාත්මක කරන ශිෂ්‍ය මර්දනයට එරෙහි ශිෂ්‍ය ක්‍රියාකාරීත්වය නවැත්වීමට පාලකයන් උත්සාහ කිරීම ඵල රහිත ක්‍රියාවක් බවත් අප වෙත අදහස් දැක්වූ ශිෂ්‍ය ක්‍රියාකාරිකයා අවධාරණය කළේය.
ඊයේ (16) දින රාත්‍රියේ ත‍්‍රිරෝද රථයකට හෝකන්දර ප්‍රදේශයේදී පොලිසිය විසින් වෙඩි තබා ඇත. පොලිස් මාධ්‍ය ප‍්‍රකාශක කාර්යාලය සඳහන් කරන්නේ මෙම ත්‍රී රෝද රථය පොලිස් අණ නොතකා ධාවනය කළ බවයි.
මෙහිදී ත්‍රිරෝද රථයේ සිටි පුද්ගලයෙකු, එහි රියදුරු සහ පොලිස් නිලධාරියෙක්ද තුවාල ලබා රෝහල් ගතකර ඇත. කොට්ටාව ප‍්‍රදේශයට මත්ද්‍රව්‍ය ප‍්‍රවාහනය කරන බවට ලැබුණු තොරතුරක් මත පොලීසිය අදාළ ත‍්‍රිරෝද රථය නවත්වන ලෙසට අණ කළ බවත් එය නොනවත්වා පළා යන අවස්ථාවේදී එයට වෙඩි තැබූ බවත් මාධ්‍ය ප‍්‍රකාශක කාර්යාලය සඳහන් කරයි.
ලංකාවේ ජනාධිපති මහින්ද රාජපක්‍ෂ අසත්‍ය ප්‍රකාශ සිදු කරන බව නෝර්වේ සාම නියෝජිතවරයාව සිටි එරික් සෝල්හයිම් චෝදනා කරයි.
පෙරේදා (15) දින කුරුණෑගල දී පැවැති රැස්වීමක් ඇමතූ ජනාධිපති මහින්ද රාජපක්‍ෂ, නෝර්වේ රජය කොටි සංවිධානයට මූල්‍ය ආධාර ලබාදීම පිළිබඳව විමර්ශනයක් පැවැත්විය යුතු බවත්, විමුක්ති කොටි සංවිධානය පරාජය කිරීමට නොහැකි බවට එරික් සෝල්හයිම් තම රජයට දැනුම්දුන් බවත් ප්‍රකාශ කර ඇත.
මෙම චෝදනාව සම්බන්ධයෙන් තම ට්විටර් ගිණුම හරහා පිළිතුරු දුන් එරික් සෝල්හයිම් “ජනාධිපති මහින්ද රාජපක්‍ෂ, මැතිවරණය අරමුණු කරගෙන අසත්‍ය ප්‍රකාශ සිදු කර ඇත. කිසිවක් වසන් නොකර සත්‍ය හෙට දින එළි කරන්නෙමු’’ යනුවෙන් සඳහන් කර ඇත.
එක්සත් ජාතික පක්ෂයේ ගම්පොළ ආසනයේ ප්‍රධාන සංවිධායක හා ගම්පොළ නගරාධිපති සරත් ගාමිණී හෙට්ටිආරච්චි පෙරේදා (15) දින එක්සත් ජනතා නිදහස් සන්ධානයට එක්විය.
එදින මහනුවර ජනාධිපති මන්දිරයේදී ජනාධිපතිවරයා හමුවී ශ්‍රී ලංකා නිදහස් පක්ෂයේ සාමාජිකත්වයද ලබාගෙන ඇත. වසර 25 ක පමණ කාලයක් එක්සත් ජාතික පක්ෂයේ සාමාජිකයකු වූ සරත් ගාමිණී, වසර 12ක් ගම්පොළ නගරාධිපති ලෙස කටයුතු කර ඇත. 
එක්සත් ජාතික පක්ෂයේ ජනාධිපතවරණ අපේක්ෂකයා ලෙස කරු ජයසූරියගේ නම ප්‍රකාශ කරන ලෙසත්, එසේ නොමැති වුවහොත් එක්සත් ජාතික පක්ෂයේ සියළුම කටයුතුවලින් එක්සත් භික්ෂු පෙරමුණ ඉවත්වන බවත් එම පෙරමුණේ අනුශාසක ගිරාඹේ ආනන්ද හිමි එක්සත් ජාතික පක්ෂයේ නායක රනිල් වික්‍රමසිංහට ලිපියක් මගින් දැනුම් දී තිබේ. 
සියළුම ආගම්, සියළුම ජාතීන් හා පක්ෂයේ කැමැත්ත ඇති එකම සුදුස්සා කරු ජයසූරිය බවත් මේ නිසා සාධාරණ සමාජයක් සඳහා ජාතික ව්‍යාපාරයේ මාදුළුවාවේ සෝභිත හිමියන් විසින් ප්‍රකාශයට පත්කරන පොදු ආපේක්ෂකයා නම් කිරීමේ බලය එක්සත් ජාතික පක්ෂය සතු බවට සඳහන් කාරණය මූලික කරගෙන මෙම ඉදිරිපත් කිරීම සිදුකරන ලෙසද එම ලිපිය මගින් ඉල්ලා ඇත. 
ජනාධිපතිවරණයක් ප්‍රකාශයට පත්කිරීමට තිබෙන්නේ ඉතාමත් සුළු කාලයක වුවත් එක්සත් ජාතික පක්ෂය තවමත් නිදියහනේ පසුවන නමුත් ආණ්ඩුව ඒ සඳහා ගව්ගණන් දුරට ප්‍රචාරක කටයුතු සිදුකර තිබෙන බවත් එම ලිපියේ සඳහන් කර තිබේ. 
මේ නිසා සාධාරණ සමාජයක් සඳහා වූ ව්‍යාපාරයේ කැමැත්ත සහ සියළු ජාතින් සියළු ආගම් හා සියළු ආගම් හා පක්ෂ කණ්ඩායම්වල කැමැත්ත පලවී තිබෙන කරු ජයසූරිය ජනාධිපති අපේක්ෂකයා ලෙස වහාම නම්කරන ලෙසත්, එසේ නොමැති වුවහොත් එක්සත් ජාතික පක්ෂයේ සියළු කටයුතුවලින් එක්සත් භික්ෂු පෙරමුණ ඉවත් වන බවද පූජ්‍ය ගිරාඹේ ආනන්ද හිමියන්ගේ අත්සනින් යුතු එම ලිපියේ වැඩිදුරටත් සඳහන් වේ. 
වැඩබලන විෂය අධ්‍යක්ෂකවරුන් හා දේශපාලන හිතවත්කම් මත පත් වී සිටින ගුරු උපදේශකවුරුන් විසින් රටපුරා පාසල් ඉලක්ක කරමින් මහින්ද රජපක්ෂගේ ඉදිරි දේශපාලන ජයග්‍රහණ වෙනුවෙන් දේශපාන ප්‍රචාරයක් ලබාදීම ගුරුවරුන් හා විදුහල්පතිවරුන් බහුතරයක් දැඩි අපහසුතාවකට පත්ව ඇතැයි ගුරු විදුහල්පති වෘත්තීය සමිති එකමුතුව සඳහන් කරයි.
වැඩබලන විෂය අධ්‍යක්ෂකවරුන් හා ගුරු උපදේශකවරුන් පාසල් තුළට ගොස් රජයෙන් සහන මිලට ලබාදෙන යතුරුපැදි ලබාගැනීමට හා රාජකාරියට අදාල කටයුතු පහසුකර ගැනීමට ශ්‍රී ලංකා නිදහස් පක්ෂයට අයත් නිදහස් ගුරු සංගමයේ සාමාජිකත්වය ලබාගන්නා ලෙස ගුරුවරුන්ට හා විදුහල්පතිවරුන්ට බලපෑම්කරන බව එම සංගමයේ කුඳවුම්කරු ජෝෂප් ස්ටාලින් සඳහන් කරයි. 
එලෙස සාමාජික නොවන සියළු දෙනාගේ නාමලේඛන ලබාදෙන ලෙසට විදුහල්පතිවරුන්ට බලපෑම් එල්ල කරමින් සිටින බවද ඔහු වැඩිදුරටත් සඳහන් කරයි. 
මේ ආකාරයට පාසල්තුළට ගොස් වැඩබලන විෂය අධ්‍යක්ෂකවරුන් හා ගුරු උපදේශකවරුන් ක්‍රියාව බරපතල කාරණයක් බවත්, වෘත්තීය සමිතිවලට ගුරුවරුන් බඳවාගන්නවා නම් එය කළ යුත්තේ වෘත්තීය සමිති නියෝජිතවන් හරහා බවත් ජෝෂප් ස්ටාලින් වැඩිදුරටත් සඳහන් කරයි. 
සිළුමිණ පුවත්පතේ උපදේශක කර්තෘවරයා ලෙස ක්‍රියාකළ ජ්‍යෙෂ්ඨ මාධ්‍යවේදී කරුණාදාස සූරියආරච්චි (කසුරි) අභාවපාප්ත විය. මියයන විට ඔහු 69 වැනි වියේ පසුවිය. 
2013 වර්ශයේදී සිළුමිණ පුවත්පතේ ප්‍රධාන කර්තෘවරයා ලෙස කටයුතු කළ ඔහු පාඨක ආකර්ශනය දිනාගත් තීරු ලිපි රචකයෙක් විය. ‘කසුරි’ යන අනුවර්ථ නාමයෙන් පාඨකයන් හඳුනාගත් සුවිශේෂී මාධ්‍යවේදියකු ලෙස කරුණාදාස සූරියආරච්චි ප්‍රකටය. 
සම්මානනීය නවකතාකරුවෙකු වූ ඔහු ගනේමුල්ල, ගටහිටියාව මධ්‍ය මහ විද්‍යාලයේ හා ගම්පහ බණ්ඩාරනායක විද්‍යාලයේ ආදි ශිෂ්‍යයෙකි. මේ වන විට ඔහුගේ දේහය ගම්පහ බණ්ඩාරවත්තේ පිහිටි ඔහුගේ නිවසේ තැම්පත් කර ඇත. 
පොදු අපේක්ෂකයා නම්කළ පසු කලින් යොදාගත් පරිදි සහය පලකරන පක්ෂ අතර නිල වශයෙන් අවබෝධතා ගිවිසුමක් අත්සන් කරන බවත්, පොදු අපේක්ෂකයා කවුරුන්ද යන්න බොහෝ විට හෙට (18) දින ප්‍රකාශයට පත්කළ හැකි බවත් සාධාරණ සමාජයක් සඳහා වූ ජාතික ව්‍යාපාරයේ ආරංචිමාර්ග සඳහන් කරයි. 
කෝට්ටේ ශ්‍රී නාග විහාරයේ ඊයේ (16) රැස්වූ එම ව්‍යාපාරයේ සංවිධාන 32ක නියෝජිතයින් දීර්ඝ වශයෙන් මේ සම්බන්ධයෙන් සාකච්ඡා කළ බවත් එහිදී මාදුරුවාවේ සෝභිත හිමිගේ සහ කරු ජයසූරියගේ සම් පිළිබඳව වැඩි අවධානයක් යොමුවූ බවද වාර්තා වේ.
එහිදී ගත් තීරණ පිළිබඳව අද (17) දින එක්සත් ජාතික පක්ෂය ඇතුළු පොදු අපේක්ෂකයාට සහාය දක්වන දේශපාලන පක්ෂ දැනුවත් කිරීමෙන් පසු පොදු අපේක්ෂකයා යවුරුන්ද යන්න රටට දැනුම්දීමටද මෙහිදී තීරණය කළ බව වාර්තා වේ. 
ඊයේ පැය කිහිපයක් පුරා පැවති මෙම සාකච්ඡාවට එක්සත් භික්ෂු පෙරමුණේ අනුශාසක ගිරාඹේ ආනන්ද හිමියන් සහ පිවිතුරු හෙටක් ජාතික සභාවේ සම්බන්ධීකාරක, පාර්ලිමේන්තු මන්ත්‍රී අතුරළියේ රතන හිමියන්ද සහභාගී වී ඇතැයි වාර්තා වේ. 
හත්වැනි විදායක ජනාධිපති තෝරා පත්කරගැනීම සඳහා ජනාධිපතිවරණය කැඳවීමේ විශේෂ ප්‍රකාශය 19 දින ජනාධිපතිවරයා විසින් ප්‍රකාශ කිරීමට නියමිතය. 
ජනාධිපතිවරයා එම ප්‍රකාශය කිරීමෙන් අනතුරුව ජනාධිපතිවරණය පැවැත්වීම සඳහා නාමයෝජනා කැඳවීමේ ගැසට් නිවේදනය මැතිවරණ කොමසාරිස්වරයා විසින් ඊට පසුදින නිකුත් කිරීමට නියමිතය. 
ඒ අනුව දෙසැම්බර් 04 හෝ 05 දින දෙකෙන් එක් දිනයකදී රාජගිරිය මැතිවරණ මහලේකම් කාර්යාලයේ ප්‍රධාන ශාලාවේදී නාමයෝජනා පත්‍ර භාරගැනිමට නියමිතය. නාම යෝජනා පත්‍ර භාරගැනීමේ ගැසට් නිවේදනය නිකුත් කර දින 16 කින් පසුව එළඹෙන දිනයේදී නාමයෝජනා භාරගත යුතු වේ. 
ඒ අනුව ජනාධිපතිවරණය ජනවාරි 07 හෝ 08 දින දෙකින් එකකදී පැවැත්වීමට ඉඩ තිබේ. ඉකුත් ජනාධිපතිවරණවලදී අඩුම දින ගණනක් ලබාදී ඇත්තේ 1982 හා 1994 ජනාධිපතිවරණවලදීය. ඒ දින 33 බැගින්ය. එම දින ගණන මෙම ජනාධිපතිවරණය සඳහා ලබාදුන හොත් ඉහත කී දින දෙකෙන් එකකදී ජනාධිපතිවරණය පැවැත්විය යුතුය. 

altශ්‍රීලනිප මහලේකම් හා සෞඛ්‍ය අමාත්‍ය මෛත්‍රීපාල සිරිසේන සොයුරු කෝටිපති ව්‍යාපාරික ඩඩ්ලි සිරිසේන හදිසියේම කිසිවෙකුට නොදන්වා විදෙස් ගතවී ඇති බව ශ්‍රීලනිප ආරංචි මාර්ග සඳහන් කරයි.
පසුගිය සතිය පුරා රාජපක්ෂවරුන්ගේ නොමද සැලකිල්ලට මෛත්‍රීපාල සිරිසේන හා ඔහුගේ පවුලේ උදවිය ලක්වෙමින් සිටිය බවත් ඩඩ්ලි සිරිසේන හමුවී ඇති ජනාධිපති සොයුරු බැසිල් රාජපක්ෂ ඔහුගේ දුරකතනය ඔස්සේ ජනාධිපතිවරයා හා ඩඩ්ලි සිරිසේන සම්බන්ධ කොට ඇත. එම දුරකතන සංවාදයේදී ජනාධිපතිවරයා ඩඩ්ලි සිරිසේන අනුරාධපුර දිස්ත්‍රික්කයෙන් එක්සත් ජනතා සන්ධානය යටතේ තරඟ කිරීම සඳහා ආරාධනා කර ඇත. එමෙන්ම බලයට පත්වූ පසු ප්‍රබල ඇමති ධූරයක් පවා ලබාදීමට පොරොන්දු වී තිබේ.
ඉහත කී ශ්‍රීලනිප ආරංචි මාර්ග තවදුරටත් සඳහන් කර සිටින්නේ ජනාධිපතිවරයා ප්‍රමුඛ රාජපක්ෂවරුන් මෙසේ වෑයම් කරන්නේ මෛත්‍රීපාල සිරිසේන  හා හිටපු ජනාධිපතිනිය අතර පවතින සමීප දේශපාලන මිත්‍රත්වය කඩා බිඳ දැමීමට බවයි. මෛත්‍රීපාල සිරිසේන පිළිබඳව රාජ්‍ය බුද්ධි සේවය රාජපක්ෂවරුන් දැනුවත් කර ඇති අතර සිරිසේන තද දේශපාලන තීරණයක් ගැනීමට ප්‍රථම එය වැලැක්වීම සඳහා උපරිම උත්සාහය ගන්නා ලෙස ජනාධිපතිවරයා තම සොයුරන්ට උපදෙස් දි ඇති බව ඉහත කී ආරංචි මාර්ග සඳහන් කර සිටී.

altඑළැඹෙන එළැඹෙන ජනාධිපතිවරණයට පෙර තවත් ඇමති සහ නියෝජ්‍ය ඇමති ධුර කිහිපයක් පත් කෙරෙනු ඇතැයි රජයේ ආරංචි මාර්ග සඳහන් කරයි.
එහිදී ජ්‍යෙෂ්ඨ ඇමති ධුර අහෝසි කිරීමටත්, ඉදිරිපෙල නියෝජ්‍ය ඇමතිවරුන් කිහිප දෙනෙකුට ඇමති ධුර ලබා දීමට මෙන්ම තරුණ මන්ත‍්‍රීවරුන් කිහිප දෙනෙකුට ව්‍යාපෘති ඇමති ධුර හා නියෝජ්‍ය ඇමති ධුර ලබාදීමට අවධානය යොමුව ඇත. තවත් ඇමති සහ නියෝජ්‍ය ඇමති ධුර කිහිපයක් පත් කෙරෙනු ඇතැයි ආරංචි මාර්ග සඳහන් කරයි.

altකොන්දේසි තුනකට එකඟවන ඕනෑම ජනාධිපති අපේක්ෂකයෙකුට දෙමළ ජාතික සන්ධානය සහයෝගය ලබාදෙන බව එම පක්‍ෂයේ පාර්ලිමේන්තු මන්ත්‍රී සුරේෂ් ප්‍රේමචන්ද්‍රන් ප්‍රකාශ කර ඇත.

කොන්දේසි තුනකට එකඟවන ඕනෑම ජනාධිපති අපේක්ෂකයෙකුට දෙමළ ජාතික සන්ධානය සහයෝගය ලබාදෙන බව එම පක්‍ෂයේ පාර්ලිමේන්තු මන්ත්‍රී සුරේෂ් ප්‍රේමචන්ද්‍රන් ප්‍රකාශ කර ඇත. සති අන්ත ඉංග්‍රීසි මාධ්‍යකට අදහස් දැක්වූ අවස්තාවේදී ඔහු මේ බව ප්‍රකාශ කර ඇත.

“ජනාධිපතවරණයේදී කුමන අපේක්ෂකයෙකුට සහයෝගය දක්වනවාද යන්න දෙමළ ජාතික සන්ධානය තවමත් තීරණය කර නොමැත. කොන්දේසි 3ක් පදනම් කරගෙන, කුමන අපේක්ෂකයාට සහයෝගය දක්වනවාද යන්න පිළිබඳව දෙමළ ජාතික සන්ධානය සළකා බලනු ඇත.

1.  උතුරු නැගෙනහිර පළාත් වල ස්ථානගතවී සිටින හමුදාව ඉවත්කල යුතු අතර, අවතැන්වූ

ජනතාව යලි පදිංචි කල යුතුය.

2. වසර ගණනක් කිසිදු පරීක්‍ෂණයක් නොමැතිව සිරගත කර සිටින දෙමළ දේශපාලන රැඳවියන්

නිදහස් කල යුතුය.

3.  දෙමළ ජනතාවගේ ගැටළුවට දේශපාලන විසඳුමක් ලබාදිය යුතුය.

මෙම කොන්දේසි 3 ඉටුකරන බවට පොරොන්දුවන අපේක්ෂකයෙකුට සහයෝගය දැක්වීම පිළිබඳව දෙමළ ජාතික සන්ධානය සලකා බලනු ඇත. මෙම කොන්දේසි වලට ලබාදෙන පිළිතුරු අනූව, රජයේ පාර්ෂවයේ අපේක්ෂකයෙකුට හෝ විපක්‍ෂයේ අපේක්ෂකයෙකුට සහයෝගය දැක්වීමට තීරණය කරනු ඇත.

කිසිදු දේශපාලන පක්‍ෂයක් මේ සම්බන්ධයෙන් දෙමළ ජාතික සන්ධානය සමග තවමත් සාකච්ඡා කර නොමැත. ශ්‍රී ලංකා මුස්ලිම් කොංග්‍රසයේ නායක රවුෆ් හකීම්, දෙමළ ජාතික සන්ධානයේ නායක ආර්.සම්බන්ධන් සහ මාවෙයි සේනාධිරාජා යන අය අතර පැවති සාකච්ඡාව, ජනාධිපතිවරණය පිළිබඳව නොවේ. දෙමළ මුස්ලිම් ජනතාවගේ ගැටළු සම්බන්ධයෙන් එහිදි සාකච්ඡා කර ඇත” යනුවෙන් සුරේෂ් ප්‍රේමචන්ද්‍රන් මන්ත්‍රීවරයා ප්‍රකාශ කර ඇත.

altරුපියල් දහයේ වටිනාකමින් යුත් නෝට්‌ටු භාවිතයෙන් ඉවත්කොට ඒ වෙනුවට රුපියල් 10 කාසි පමණක්‌ සංසරණයට එක්‌වන බව රජයේ ප්‍රවෘත්ති දෙපාර්තමේන්තුව කියයි.
ඒ අනුව පරිපාලන දිස්ත්‍රික්ක 25 නියෝජනය වන අයුරින් නිර්මාණය කළ නව 25ක්‌ සංසරණයට එක්වෙනු ඇති බවත් ප්‍රවෘත්ති දෙපාර්තමේන්තුව සඳහන් කරයි.

altඉදිරි පැය 72 තුල ඉදිරි ජනාධිපතිවරණය සම්බන්ධයෙන් වන පළමු ප‍්‍රකාශය සිදුකරනු ඇතැයි අමාත්‍ය ඩලස් අලහප්පෙරුම පවසයි. මේ බව අමාත්‍යවරයා සඳහන් කලේ ඊයේ (15)  මාතර - හක්මන ප‍්‍රදේශයේ පැවති රැස්වීමකදී ය.

 

තවද ජනාධිපතිවරයා විසින් මෙම ප‍්‍රකාශය සිදුකරනු ඇති බවට සදහන් කළ අමාත්‍යවරයා, ඉතිරි කටයුතු මැතිවරණ කොමසාරිස්වරයා විසින් සිදුකරනු ඇතැයි ද කියා සිටියි.

Page 1 of 224

පුවත්

online

We have 122 guests online