Latest news
A+ R A-

විදෙස්

alt

 

ග‍්‍රීසියේ පාර්ලිමේන්තු මැතිවරණයෙන් වාමාංශික සයිරිසා පක්‍ෂය විශිෂ්ඨ ජයක් අත්කරගෙන ඇතැයි වාර්තා වේ.

 

සයිරිසා නායක ඇලෙක්සිස් ස්පිරාස් පවසා ඇත්තේ ග‍්‍රීසිය මුහුණදුන් වසර 5ක විඳවීම, හාස්‍යයට ලක්වීම, භීතිය හා ඒකාධිපතිවාදයේ යුගය අවසන් වී ඇති බවයි.

ඔහු මේ බව පවසා ඇත්තේ ජයග‍්‍රහණය සමරමින් ඇතැන්ස් අගනුවර පැවති ජනරුළියක් අමතමිනි.  පාර්ලිමේන්තුවේ ආසන 300න් 149ක් දිනාගැනීමට සයිරිසා පක්‍ෂය සමත්ව තිබේ.

රජයක් පිහිටුවීම සඳහා පාර්ලිමේන්තු ආසන 151ක් අවශ්‍ය අතර ග‍්‍රීසියට යුරෝපා සංගමයෙන් ලබාදුන් ණය පැකේජයට එරෙහි පක්‍ෂයක් වන ස්වාධීන ග‍්‍රීකයෝ පක්‍ෂය විසින් සයිරිසා වෙත සහය දැක්වීම සමග ඒ අවශ්‍යතාවය සැපිරී ඇත.

 

පැනෝස් කම්මෙනෝස්ගේ ස්වාධීන ග‍්‍රීකයෝ පක්‍ෂය ආසන 13ක් දිනාගන්නා ලදී.  ඇලෙක්සිස් ස්පිරාස් ග‍්‍රීසියේ නව අගමැතිවරයා ලෙස දිවුරුම් දෙනු ඇති බව සයිරිසා ප‍්‍රකාශකයකු මාධ්‍ය වෙත පවසා තිබේ.

 

40 හැවිරිදි ස්පිරාස් මැතිවරණ ව්‍යාපාරය තුළ පැවසූ ප‍්‍රධාන කරුණක් වූයේ යුරෝපා සංගමය විසින් ලබාදුන් ණය පැකේජය සමග පැමිණි ජනතා සහන කපන කොන්දේසි ඉටු නොකරන බවයි.

 

ජනතා ඡන්දය මගින් යුරෝපා සංගමය, ජාත්‍යන්තර මූල්‍ය අරමුදල හා යුරෝපා මහ බැංකුව යන ට්‍රොයිකාවේ ආධිපත්‍යය බිඳ දමා ඇති බව ස්පිරාස් පවසා තිබේ. ඔහුගේ ජයග‍්‍රහණය පිළිබඳව ප‍්‍රංශ ජනාධිපති ප‍්‍රංශුවා හොලන්ඬේ විසින් සුභ පතා ඇති බවද වාර්තා වේ.

වීඩියෝ BBC

 

උතුරු ඉන්දීය මුස්ලිම්වරු තිදෙනකු පණ පිටින් පුළුස්සා මරා දැමීම සම්බන්ධයෙන් සැකකරුවෝ දාහතර දෙනෙක් අත්අඩංගුවට ගෙන තිබේ.
සතියකට වැඩි කාලයක් අතුරුදහන් වී සිටි බිහාර් ප්‍රාන්ත හින්දු තරුණයකුගේ මළසිරුර හමු වීමත් සමග ගම්වැසියන් ඉහත කී මුස්ලිම්වරු විසූ නිවෙස්වලට ගිනි තබා තිබේ. මෙම ගිනිතැබීම්වලින් නිවෙස් 25ක් පමණ පිලිස්සී තිබේ. 
මුස්ලිම් තරුණියක් සමග ආදර සම්බන්ධතාවක් පවත්වා ඇති දහනව හැවිරිදි හින්දු තරුණයා පැහැර ගෙන ගොස් ඝාතනය කර ඇතැයි ඉන්දීය පොලිසියේ ජ්‍යෙෂ්ඨ නිලධාරියකු පවසා තිබේ.
ඉන්දියානුවන්ගෙන් සියයට අසූවකට වැඩි පිරිසක් හින්දු භක්තිකයන් වන අතර මුස්ලිම්වරුන්ගේ ප්‍රතිශතය සියයට දහතුනකි. 
alt

පසුගිය බදාදා පැරිස් නුවර සිදු වූ වෙඩි ප්‍රහාරයෙන් මියගිය පුද්ගලයන් වෙනුවෙන් ශෝකය ප්‍රකාශ කිරීමට මිනිත්තුවක නිශ්ශබ්ද කාලයක් නම් කිරීමට ප්‍රංශ රජය පියවර ගෙන තිබේ.

මුහුණු ආවරණ පැළඳ ගත් තුවක්කු කරුවන් විසින් එල්ල කළ එම වෙඩි ප්‍රහාරයට ලක් වුයේ ‘චාර්ලි හෙබ්දෝ’ නම් ප්‍රංශ උපහාසාත්මක සඟරාවේ කාර්යාලයයි.

ප්‍රහාරකයන් සෙවීම සඳහා විශාල මෙහෙයුම් ක්‍රියාත්මක වූ අතර තවත් වෙඩි තැබීමක් පැරිස් නුවරින් වාර්තා වී තිබේ.

මොරූජ් නම් ප්‍රදේශයේ මෝටර් රථ අනතුරක් සිදු වූ ස්ථානයක දී පුද්ගලයකු විසින් සිදු කර ඇති මෙම වෙඩි තැබීමෙන් පොලිස් කාන්තාවක් ඝාතනයට ලක් වී තිබේ.

පොලිස් මෙහෙයුම්

alt

මේ වන විට තුවක්කු කරුවන් තුන් දෙනෙකු සෙවීමේ මෙහෙයුම් වල පොලිසිය නිරත වී සිටින අතර පළමු වෙඩි ප්‍රහාරය සහ මොරූජ් වෙඩි ප්‍රහාරය අතර සම්බන්ධයක් පවතී ද යන්න තවමත් අනාවරණය වී නැත.

පොලිසිය සැක කරන්නේ සඟරා කාර්යාලයට එල්ල කෙරුණ වෙඩි ප්‍රහාරය තුවක්කු කරුවන් දෙදෙනෙකු විසින් සිදු කර ඇති අතර ඔවුන් සොයුරන් වන බවයි.

ප්‍රංශ මාධ්‍ය වාර්තා කරන්නේ මේ වන විට තුවක්කු කරුවන් සිටින ස්ථානය සම්බන්ධයෙන් තොරතුරු හෙළි වී ඇති අතර ප්‍රංශයේ උතුරු මාර්ගයක ඉන්ධන හලක කළමනාකරුවෙකු විසින් ප්‍රහාරකයන් හඳුනා ගෙන ඇති බවයි.

BBC ඇසුරින්

එංගලන්ත සභාව ඊයේ (17) ස්පෝක්පෝට්හි රදගුරු තනතුර සදහා ලිබී ලේන් නම් පූජකවරිය පත් කර ඇත. මෙය එංගලන්ත කිතුනු ඉතිහාසයේ නව වෙනසක් වන අතර, අදාල පත් කිරීම ලබන වසරේ ජනවාරි සිට ක්‍රියාත්මකවීමට නියමිතය.

එංගලන්ත සභාවේ සියවස් ගණනාවක සිට රදගුරු තනතුර සදහා පුරුෂයින් පමණක් පත් කෙරුණු අතර, එනී සම්ප්‍රදාය අවසන් කරමින් ලේක් පූජකවරිය මෙසේ රදගුරු තනතුරට පත් කර ඇත.

එංගලන්තසභාව මුලින්ම කාන්තාවකට පූජක වරය ලබා දුන්නේ 1994 දී වන අතර ලිබි ලේන්පූජකවරිය 2007සිට සාන්ත පීටර්ස් හේල් සහ සාන්ත එලිසබෙත් ඈශ්ලි හි ප්‍රදේශභාර දේවගැතිවරිය ලෙස කටයුතුකර තිබේ.

මේ පිළිබඳව අදහස් දක්වා ඇති බ්‍රිතාන්‍ය අගමැති ඩේවිඩ් කැමරන් පවසා ඇත්තේ මෙම බිෂෝප්වරිය ගේ පත්වීම එලිසබෙත් මහ රැජින විසින් ද අනුමත කොට ඇති අතර අදදිනය එංගලන්ත දේවස්ථානයටද සුවිශේෂී දිනයක් බවයි.

කෙසේවුවද ලේන් පූජකවරියට සාමි මණ්ඩලයට ඇතුළුවීමේ අවස්ථාව පිළිබද මෙතෙක් තීරණයක් ගෙන නොමැති අතර, ලේන් පුජකවරියට ලැබේද නැද්ද යන්න අනාගතයේදී තීරණය වන බවයි විදෙස් ආරංචි මාර්ග පවසන්නේ.


alt

altඇමරිකා එක්සත් ජනපදය සහ කියුබාව අතර රාජතාන්ත‍්‍රික සබඳතා යළි ආරම්භ කිරීමට බලාපොරොත්තු වන බව ඇමරිකානු ජනාධිපති බැරැක් ඔබාමා පවසනවා.

 

වසර 50 ක පමණ කාලයක සිට ඇමරිකාව සහ කියුබාව අතර රාජතාන්ත‍්‍රික සබඳතා බිඳී ගිය අතර 1961 දී ඇමරිකාව විසින් කියුබාවට ආර්ථික සම්බාධකද පනවනු ලැබුවා. ඇමරිකානු ජනාධිපතිවරයාගේ මෙම ප‍්‍රකාශයට කියුබානු ජනාධිපති රාහුල් කස්ත්‍රෝද යහපත් ප‍්‍රතිචාරයක් දක්වා ඇති බව විදෙස් මාධ්‍ය වාර්තා කළා. මේ අතර ඇමරිකානු තානාපති කාර්යාලයක් කියුබාවේ හවානා නුවර පිහිටුවීමටද නියමිත බවයි වාර්තාවන්නේ.

alt
 
මිට සුළු මොහොතකට පෙර පාකිස්ථානයේ පෙෂාවර් හි හමුදාව විසින් පවත්වාගෙන යනු ලබන පාසලක් වෙත තලේබාන් ත්‍රස්තවාදීන් පිරිසක් විසින් එල්ල කල ප්‍රහාරයකින් පුද්ගලයින් 132 ක් පමණ මිය ගොස් ඇති බව විදෙස් මාධ්‍ය වාර්ථා  කරයි. මියගිය පුද්ගලයින් අතරින් 84 දෙනකු කුඩා දරුවන් බව ද පැවසේ.
 
දළ දේශීය නිෂ්පාදනය ශීඝ්‍රයෙන් පහළ යමින් තිබූ ජපාන ආර්ථිකය යළි අවපාතයකට ලක් වී ඇත. එහි ප්‍රතිඵලයක් වශයෙන් ජපාන ආර්ථිකය බලාපොරොත්තුවෙන් සිටි වර්ධනය ගිලිහී ගොස් ඇති අතර එය ජපාන වෙළඳපළට දැඩි ලෙස බලපා තිබේ. 
ජපානය ලෝකයේ තෙවන විශාලතම ආර්ථිකය ලෙස සැලකේ. ජපාන ආණ්ඩුවට සමීප උපදේශකයෙක් කියා සිටියේ සැලසුම් කර ඉහළ දැමූ වෙළඳ බදු ප්‍රමාද වීම ඉහත කී දුර්වල ආර්ථික ප්‍රතිඵලයට බොහෝ සෙයින් හේතුව විය හැකි බවයි. මේ අතර සිය බලය ආරක්ෂා කර ගැනීම පිණිස ජපාන අගමැති ශින්සෝ අබේ විසින් හදිසි මහ මැතිවරණයක් කැඳවීමට ඉඩ ඇති බවට විශාල ලෙස බලාපොරොත්තු වාර්තා පළ වේ.
 
BBC ඇසුරෙන්
නැගෙනහිර ඉන්දුනීසියාවේ ඇතිවූ භුමි කම්පාවක් හේතුවෙන් සුනාමි අවදානමක් පිළිබඳව ජනතාව දැනුවත් කෙරිණි. රෙක්ට මාපකයේ අංශක 7.3 ක චලනයක් ලෙස වාර්තා වූ මෙම භුමි කම්පාව බලපා තිබුනේ මලුකු දුපත්වලටය.
වෙරළ ආසන්න ප්‍රදේශවලින් සහ ගංගා ඉවුරු අසලින් ඉවත්වී සිටින ලෙස අනතුරු අඟවා ඇති අතර කලබලයට පත් වූ මිනිසුන් තම නිවෙස් වලින් පිටතට දිවගොස් ඇත. මීටරයක් පමණ උස රැළි ඇතිවිය හැකි බවට හවායි හි පැසිෆික් සුනාමි අනතුරු ඇඟවීමේ මධ්‍යස්ථානය පවසා තිබුණ ද තවදුරටත් අනතුරුදායක තත්වයක් නොමැති බවයි භූගර්භ විද්‍යාඥයින් පවසන්නේ.
උතුරු ඉන්දියාවේ හිමාචල් ප‍්‍රදේශයේ අද (02) දින බස් රථයක් ප‍්‍රපාතයකට පෙරළීමෙන් පුද්ගලයන් 14 දෙනෙකු ජීවිතක්ෂයට පතව ඇති අතර පුද්ගලයින් 11 දෙනෙකු පමණ තුවාල ලබා ඇත. 
රියදුරුට බස් රථය පාලනය කර ගැනීමට නොහැකි වීමෙන් මෙම අනතුර සිදුව ඇති බව විදෙස් මාධ්‍ය වාර්තා කරයි. 

Page 1 of 19

පුවත්

online

We have 271 guests online