A+ R A-

ව්‍යාපාරික

වසර 12කට පසු Windows xp මෙහෙයුම් පද්ධතිය (opareting system) සම්බන්ධ සියලු සහයක නතර කිරීමට Microsoft සමාගම තීරණය කර තිබේ. ඒ අනුව, ලබන අඟහරුවාදා සිට Windows xp තාක්ෂණික වශයෙන් යල් පැන ගිය මෙහෙයුම් පද්ධතියක් ලෙස සැලකීමට Microsoft පියවර ගනු ඇත. මේ තීරණයත් සමඟ තාක්ෂණික විශේෂඥයින් අනතුරු අඟවනුයේ, අඟහරුවාදා සිට ලොව පරිගණකවලින් තුනෙන් එකක් වෛරසයන්ට සහ සයිබර් ප්‍රහාරයන්ට ලක්වීමේ අවදානමක් පවතින බව ය.
ලබන අඟහරුවාදා සිට මෙම මෙහෙයුම් පද්ධතියේ ක්‍රියාකාරීත්වය නතර නොකරන අතර එහි ආරක්ෂණ යාවත්කාලීන කිරීම් (Security updates) දෝෂ නිරාකරණය කිරීම සඳහා ගනු ලබන ක්‍රියාමාර්ග (Hot fixes) තාක්ෂණික යාවත්කාලීන කිරීම් (online technical content updates) හෝ සියලු ම තාක්ෂණික සහයයන් ලබා දීම පමණක් අත්හිටුවනු ඇත. 
මෙම ක්‍රියාමාර්ගයත් සමග මේ වන විට Windows xp  භාවිත කරන පරිගණකවල පවතින දෝෂ නිරාකරණය නොවී පවතිනු ඇත.
යුරෝපා සයිබර් අපරාධ නිරීක්ෂණ මධ්‍යස්ථානය පවසන්නේල Windows xp සහිත පරිගණයකින් ඉන්ටර්නෙට් සමග සම්බන්ධ වුවහොත් එම පරිගණක සයිබර් ප්‍රහාරකයන්ට ලෙහෙසියෙන් ම ගොදුරු වීමේ අවදානමක් පවතින බව ය.
මේ අතර ලොව පුරා ඇති ස්වයංක්‍රීය ටෙලර් යන්ත්‍රවලින් 95‍%ක පමණ Windows xp භාවිත වන බව ද අනාවරණය වී තිබේ.

altඇමරිකන් ඩොලර් මිලියන 150 ක ඉස්ලාමීය ණය පහසුකමක් මෙරට ජාතික ගුවන් සේවය වන ශ්‍රී ලංකන් ගුවන් සේවය වෙත ලබාදීමට තම බැංකුව මුල්වූ බව ස්ටෑන්ඩර්ඩ් චාටර්ඩ් බැංකුව නිවේදනය කරයි. එම බැංකුවේ සේවාදායක අංශයේ ප්‍රධානී කොලිං පවර්ලෙ නිවේදනය කරමින් කියා සිටින්නේ රජයේ අර්ධ ණය සුරක්ෂාවක් යටතේ මෙය ලබාදුන් බවයි. දැනට ලබා ගෙන ඇති ණය මුල්‍යයනය කිරිම සහ අමතර ප්‍රාග්ධන අවශ්‍යතා වෙනුවෙන් මෙම ණය මුදල ශ්‍රී ලංකන් ලබාගෙන ඇති බවද පැවසේ.

මෙම ණය පහසුකම් සදහා ඉදිරිපත් වු මැදපෙරදිග බැංකුවන අබු ඩාබ් ඉස්ලාමීය බැංකුව (Abu Dhabi Islamic Bank),අල් හිලාල් බැංකුව ( Al Hilal Bank), නූර් බැංකුව (Noor Bank) සහ යුනයිටඩ් බෑංක් ලිමිටඩ් (United Bank Limited) මුල්වී තිබේ.

මේ අතර ශ්‍රී ලංකන් මුල්‍ය ප්‍රධානි යසන්ත දිසානායක මහතා මාධ්‍ය වෙත අදහස් දක්වමින් පවසා ඇත්තේ, මෙරට ජාතික ගුවන් සේවයේ සහ රටේ ආර්ථීක හා මුල්‍ය පදනම පිළිබඳ විශ්වාශය තබා මෙවැනි ණය මුදලක් මෙරටට අනුමත කිරිමට ජාත්‍යන්තර ප්‍රජාව එක්වීම ලංකාව දිරිගන්වන්නක් බවයි.

පසුගිය 2012 වසරේදී ශ්‍රී ලංකන් ගුවන් සේවය ඩොලර් මිලියන 175 ක් මෙලෙසම මැද පෙරදිග බැංකු හරහා ලබා ලබාගත්තේය.

altපීසී හවුස් පීඑල්සී (PC House PLC) හි අඛණ්ඩ පැවැත්ම පිළිබඳ තක්සේරුව අභීයෝගයට ලක් කරමින් පසුගිය ඔක්තෝම්බර් 21 වැනිදා තායිවාන කොටස් වෙළෙඳ පොළ ලැයිස්තුගත පරිඝණක උපාංග නිපදවන සමාගමක් මගින් මෙම සමාගම ගණන් බේරා වසා දැමිමට අදාල කරුණු දක්වමින් කොළඹ පළාත්බද වාණිජ මහාධිකරණයේ පෙත්සමක් ගොනු කර තිබිනි.

කී සිස්ටම් කෝප් තායිවාන් (Kye Systems Corp, Taiwan (ROC), 492, Sec 5, Changxin Road, Sanchong Dlst., New Taipei City 24160, Taiwan නම් ලිපිනයේ ඇති සමගමක් විසින් මේ ඉල්ලීම කර තිබේ.

වාණිජ මහාධිකරණයේ H.C.(CIVIL) NO. 47/2013/CO නම් නඩු අංකය යටතේ ගොනු කළ මෙම පෙත්සමට අදාල නිවේදනය ක් පසුගිය 10 වැනිදා පීසී හවුස් පීඑල්සී (PC House PLC) කොටස් වෙළෙධ පොළවෙත ඉදිරිපත් කර ඇත.

එහි සදහන්වන්නේ නීතිඥවරුන්ගේ ඉල්ලීම් නොසලකමින් අදාල පෙත්සම ඉවත් කරවා ගැනිම සම්බන්ධයෙන් සිය නීතිඥ වරුන් කටයුතු කළ මුත් මේ දක්වා අදාල පෙත්සම්කාර පාර්ශවයෙන් යහපත් ප්‍රතිචාරයක් දක්වා නැති බවයි.

විගණක වරු වන එස්.ජේ.එම්.එස්. ඇසෝසියේට් ( SJMS Associates) වරලත් ගණකාධිකාරිවරුන් මෙම සමාගම සම්බන්ධ අඛණ්ඩ පැවැත්ම ගැන වාර්තා සපයා තිබිනි.

කලින් නැව් සේවකයෙකු වු මොහොමඩ් රිෂාන් නැමැත්තා,පරිඝනක එකලැස් කිරිමේ කටයුතු වල නිරත ව සිටි සිය PC House සමාගම 2010 අගොස්තු 05 දා මුළික කොටස් නිකුතුවක් සිදු කරමින් කොළඹ කොටස් වෙළෙඳ පොළ ලැයිස්තුගත කිරිමට කටයුතු කළේය.

විවිධ රේගු වංචා සම්බන්ධයෙන් ද චෝදනා ලැබ පසුව නිදහස් වු මෙම මොහොමඩ් රිෂාන් නැමැත්තා හට මෙම මුළික කොටස් නිකුතුව සිදු කිරිම සදහා කොළඹ කොටස් වෙළෙඳ පොළ අනුමැතිය ලැබිමට මෙම නිකුතුවේ මුල්‍ය උපදේශකයින් හා කළමණාකරුවන් ලෙස කටයුතු කළ වජිර කුලතිලක නායකත්වය දෙන NDB Investment Bank Limited ඉදිරිපත් විම මුළික වු බව පැවසේ.

එසේම සමාගමේ ලැයිස්තුගත කිරිම් අවධියේ විධායක නොවන අධ්‍යක්ෂ වරු ලෙස කුවේරා ද සොයිසා නම් ප්‍රකට නීතිවේදියා ඇතුළු ප්‍රකට ආයෝජන උපදේශකවරුන්ද කටයුතු කර තිබිනි. තවත් බරපතල ගැටලුවක් වන්නේ පීසී හවුස් පීඑල්සී (PC House PLC) සේවක අර්ථ සාධක අරමුදලට සියයට 3.3 ක හෙවත් මිලියන 11 ක කොටස් හිමිව තිබිමය.

-ශ්‍රී ලංකා මිරර්

altශ්‍රී ලංකාවේ පවතින සිය මෙහෙයුම් එක්සත් අරාබි එමීර් රාජ්‍යයේ ටෙලිකොම් සමාගමක් වන එටිසලාට් වෙත විකිණීමට භාරතී එයාර්ටෙල් සැරසෙන බව වාර්තා වේ.

ණය ප්‍රමාණය වැඩිවීම රට සංවර්ධනය වීමේ සංඥාවක් බව මහ බැංකු අධිපති අජිත් නිවාඩ් කබ්රාල් පවසයි. ඔහු මෙසේ පැවසුවේ බිස්නස් ටුඩේ සගරාව සංවිධානය කළ ප්‍රමුඛතම ව්‍යාපාරිකයන් 25 දෙනා හට සම්මාන ප්‍රධානය කිරීමේ උත්සවයේදීය. ඔහු වැඩිදුරටත් මෙසේ පැවසීය.

ශ්‍රී ලංකාවේ ඉදිකිරීමට නියමිත ක්‍රවුන් සමූහයට අයත් යෝජිත කැසිනෝ සංකීර්ණයේ සන්නාම තානාපතිවරුන් ලෙස ඔස්ට්‍රේලියාවේ ක්‍රිකට් නායක මයිකල් ක්ලාක් සහ ලාංකිකයන් අතර ප්‍රකට ක්‍රිකට් විස්තර විචාරකයෙකු වන ටෝනිග්‍රෙග් ගේ බිරිඳ විවියන් ග්‍රෙග් පත් කිරීමට ජේම්ස් පැකර් තීරණය කර ඇත. විරෝධතා මධ්‍ය යේ ආණ්ඩුව කොළඹ බේරේ වැව අසල කැසිනෝ සහිත හෝටලයක් ඉදිකිරීමට පැකර්ට අනුමැතිය ලබාදුන් අතර එය ඇමරිකානු ඩොලර් මිලියන 400ක ව්‍යාපෘතියකි.

altපොදු රාජ්‍ය මණ්ඩලීය රාජනාක සමුළුව පැවැත්වීමට පෙර මෙම නොවැම්බරයේදී පමණ ලංකාව හා චීනය අතර නිදහස් වෙළඳ ගිවිසුමක් අත්සන් කරන බව ආණ්ඩුව ඊයේ පැවසීය.

මාලදිවයින් සමාගමක් වන ඊඕඑන් රිසෝර්ට් සමාගමට කාමර 300කින් යුතු මහල් 45කින් යුතු එමෙන්ම හෝටලය තුළ සුපිරි නිවාස 100ක් අන්තර්ගත මහා පරිමාණ හෝටලයක් ඉදි කිරීම සදහා ලංකාවේ ආණ්ඩුව අවසර ලබා දී තිබේ. මෙම හෝටලයේ සම්පූර්ණ ආයෝජනය ඇමරිකානු ඩොලර් මිලියන 170කි. මෙම හෝටලය බේරේ වැව අසල සුරාබදු දෙපාර්තමේන්තුව පිහිටි ඉඩමේ ඉදිකිරීමට නියමිත බව ආරංචි මාර්ග පවසයි. 
 

 

රාජ්‍ය බැංකු හරහා ඇමරිකානු ඩොලර් මිලියන 500ක බැඳුම්කර ජාත්‍යන්තර වෙළඳපොළේ අලෙවි කිරීමට ආණ්ඩුව සැලසුම් කර තිබේ.

අන්තර්ජාතික බැංකු හරහා ඉහළ පොලී අනුපාත යටතේ මෙලෙස බැඳුම්කර අලෙවි කොට ණය ලබාගැනීම නිසා ඉදිරි වසර පහ ඇතුළත ලංකාව උග්‍ර ණය අර්බුදයක සිරවනු ඇතැයි ආර්ථික විශේෂඥයෝ අවධාරණය කරති.

Page 1 of 2

Search