Latest news
A+ R A-

සේයා සටහන

වේලාසනම නොවුණත්
හිරුටත් කලින් අවදි වී
පුලූස්සාගෙන පොල් නැති රොටියක්
බඩට දී සීනිත් නැති කහට උගුරක්
හිස්ම හිස් අහසට
හූල්ල හූල්ලා පියමැන
ජීවිතේ බර කූඩය කරින් ගෙන
යාන්තම් වේල පිරිමහ ගත්
දල්ලක් දෙකක් නොව
දවසකට කිලෝ පහළොවක් විස්සක්
කැඩුවොත් සොච්චමක් අතට ගුලි කරගත්
නුඹලා කොහි ගියෙද?
ඇස් ඉස් මස් දහඩිය සමඟ
මුළු ජීවයම වතු යායට දුන්
පේන ඉම තෙක් තේ යාය
ජීවිතයෙන්ම පොහොණි කළ උන්
අවසන පුද කළද පස් කඳු යට
කොතැනක වේද ඒ
කන්දක්ම දුක දැරූවෝ
ප‍්‍රාණය තවමත් වේද නොවේද?
කවුරු ළෙහි අත් ගසා වැලපේද
කිසිවෙකුත් නැත
කිසිවකුත් ඉතිරි නැත
චේ යනු ස්පාඤ්ඤ භාෂාවෙන් ‘අඹ යහළුවා’ යන අරුතයි. ඒ පදයේ සැබෑ අර්ථය ‘චේ’ යි. චේ, ධනපති ක්‍රමය මිනිසුන් මිනිස් දූවිල බවට හුදකලා කළ සමාජයක, සැබෑ සමාජයීය අඹ යහළුකම ලොවට පෙන්වූයේ ‘චේ’ නුඹයි.
‘නුඹ’ ධනපති පංතියේ මුග්ධ පාලනය අභිමුවේ කෙලින් සිටගත් අසහාය විරයෙකි. සතුරු හමුදාවේ සොල්දාදුවන් පවා සුවපත් කළ ශේෂ්ඨ මානව හිතවාදියෙකි. විප්වලය එක් රටකින් අවසන් නොවන බව ක‍්‍රියාවෙන් ඔප්පු කළ සැබෑ ජාත්‍යන්තරවාදියෙකි.
වසර 47කට පෙර 1967 අද වැනි දවසක බොලීවියාවේදී ධනපති ගහලයන් ඔබව මරාදැමුවද අපගේ හදවත් තුළ ‘නුඹ’ තවමත් ජීවමානයි. 

නීල් යුලෙවික් 1977 පුලිට්සර් ත්‍යාග යෙන් පිදුම් ලැබුවේ 1976 ඔක්තෝබර් 6 වැනිදා තායිලන්තයේ බැංකොක් අගනුවර වීදියක දී ගත් මෙම ඡායාරූපය ඇතුළු ඡායාරූප පෙළක් හේතුවෙනි. 
ඒ වන විට තායිලන්තයේ පාලකයා බවට පත්ව සිටියේ ෆීල්ඞ් මාෂල් තනොම් කිට්කාචොන් නමැති හමුදා නායකයාය. තුන් වසරකට පෙර බලයෙන් පහ කෙරුණු ඔහු නැවත බලය අල්ලා ගෙන සිය විරුද්ධවාදීන් මර්දනය කරමින් විශාල පීඩාකාරිත්වයක් මුදා හරින ලදී. ඔහුගේ අත්තනෝමතිකත්වයට එරෙහිව එරට විශ්ව විද්‍යාල ප‍්‍රජාව නැඟී සිටියහ. බැංකොක් නගරයේ පිහිටි තමාසාත් සරසවියේ ශිෂ්‍යයෝ එහි ප‍්‍රමුඛ කාර්යභාරයක් ඉටු කළහ. මෙම විරෝධතා මර්දනයට රජ පවුල හා ඒකාධිපති ෆීල්ඞ් මාෂල්ට පක්ෂපාත හමුදාව සහ අතුරු හමුදා ක‍්‍රියාකාරී විය. 
එදින තායිලන්ත වැසියන්ට තවත් එක් ලේ වැකි ඉතිහාස අත්දැකීමක් එකතු විය. එදින විශ්වවිද්‍යාල ශිෂ්‍යයන් සහ වෘත්තීය සමිති ක‍්‍රියාකාරිකයන් විසින් එක්ව විරෝධතාවක් සංවිධානය කරන ලදී. දෙදිනකට පෙර විරෝධය පළ කිරීමේ පෝස්ටර් ඇලවූ වෘත්තීය සමිති ක‍්‍රියාකාරිකයන් දෙදෙනකු එල්ලා මරාදමා තිබිණි. එම ඝාතන සංකේතවත් කරමින් සිසුන් විසින් පඹයන් දෙදෙනකු එල්ලා විරෝධය පළ කරන ලදී. එහි දී පාලකයන්ට පක්ෂපාතී ජනමාධ්‍ය විසින් එය අර්ථකථනය කළේ තායිලන්තයේ ඔටුන්න හිමි කුමාරයා සංකේතවත් කරමින් පඹයන් එල්ලා ඇති බවයි. මෙය වැරදි අර්ථකථනයක් සහ ජනයා අතර විශ්වවිද්‍යාල ශිෂ්‍යයන්ගේ අරගලය ගැන සැක ඇති කරවන්නකි. එක්සත් ජනපදයට හිතවත් පාලක පෙළැන්තියේ උවමනාව අනුව යමින් ශිෂ්‍යයන් කොමියුනිස්ට් කණ්ඩායමක් බවට ප‍්‍රචාරය කරමින් මර්දනයට පසුබිම සකස් කෙරිණි. ශිෂ්‍යයන්ට හෝ පොදුවේ විරෝධතා දක්වනවුන්ට සිය මතය පළ කරන්නට ඉඩක් නොදෙන ලදී. 
ඔක්තෝබර් 6 වැනිදා පාන්දර 2 සිට හමුදාව හා වෙනත් සන්නද්ධ කණ්ඩායම් විසින් තමාසාත් විශ්වවිද්‍යාල භූමිය වට කරමින් තිබිණි. අලූයම 5.30ට පමණ රොකට් බෝම්බයක් විශ්වවිද්‍යාලය තුළට එල්ල විය. එහි දී සරසවිය තුළ කොටු වී සිටි විරෝධතාකරුවන් සිව් දෙනකු මිය ගිය අතර තවත් පිරිසක් තුවාල ලැබූහ. ඉන් පසුව එක දිගට යුද ටැංකි නාශක අවි ඇතුළු විවිධ ගිනි අවිවලින් ප‍්‍රහාර එල්ල කරන ලදී. උදෑසන 9 වන විට පිටතින් සිට එල්ල වූ ප‍්‍රහාර අවසන් විය. 
ඉන් පසුව විශ්වවිද්‍යාලය තුළට කඩා වැදී දඩයම ආරම්භ කෙරිණි. අල්ලා ගනු ලැබූ ශිෂ්‍ය නායකයන් විශ්වවිද්‍යාලය ඉදිරිපස වූ සනාම් ලූවාන් චතුරස‍්‍රයේ ප‍්‍රසිද්ධියේ එල්ලා මරන ලදී. එක් ශිෂ්‍ය නායකයකු පාපන්දු ක‍්‍රීඩාංගණයක් දක්වා බිම දිගේ ඇදගෙන යන ලද අතර ගැලවීමට දිව ගිය ශිෂ්‍යාවක් අල්ලා ලිංගික හිංසනයට ලක් කර මිය යන තුරු වධ හිංසා කරන ලදී. මෙහි අනෙක් ඛේදජනක කාරණය වන්නේ මෙම මර්දනය දෑස් ඉදිරිපිට දකිමින් සිටි ජනයා අතර වූ නව යොවුන් වියේ සිටි ඇතැමුන් මෙවැනි මෘග ක‍්‍රියා අනුමත කරමින් අත්පොළසන් දෙන්නට පවා ඉදිරිපත් වී තිබීමය. එදින දක්නට ලැබුණු අශිෂ්ට සිදුවීම් සැලකූ විට වෙඩි තැබීමෙන් මරාදැමීම වඩා ශිෂ්ට සම්පන්න ලෙස සැලකිය හැකි විය. 

ඉසුරුමත් පුරවරකි නෙක වර්ණයෙන් සැදුණු
නිවහනක් නැතිය ඇත වැට කඩොලූ හරස් වුණු
අතිමහත් පරතරය මැදින් පියමං කරනු
අවදි වනු අවදි වනු ඉතින් නින්දෙන් මිදෙනු

මේ මැතිවරණ කොමසාරිස්වරයා ‘‘හිතපු තරම් යකා කළු නෑ” කියූ මොනරාගලයි. මේ පෝස්ටරය අලවන්නේ ශ‍්‍රී ලංකා රජයේ ආරක්ෂක අංශ සාමාජිකයන් ය. පෝස්ටරයේ ඇත්තේ ඌව පළාතේ හිටපු මහ ඇමැති සහ ජනාධිපතිවරයාගේ ඥාති පුත‍්‍රයා වන ශෂීන්ද්‍ර රාජපක්ෂගේ ‘ඌවේ බලාපොරොත්තුව’ මැතිවරණ පෝස්ටරයයි. ඌව බලාපොරොත්තු වන්නේ මෙයද?

ඉන්දියාවේ කුල පීඩිතයන්ට වැසිකිලි පිරිසිදු කිරීමට බලකිරීම තහනම්කර වසරක් ඉක්ම ගොසිනි. නමුත් කුලයේ සම්මතිය අනුව කුලය, පදනම් කරගෙන කරන වහල් මෙහෙය හැර ඔවුන්ට වෙනත් රැකියාවක් ඔවුනට ලබාදී නැත. ඔවුන්ගේ දරුවනට පාසල අහිමි කර ඇත. ඔවුනට අනෙක් කුලවල පිරිස් සමඟ එක්ව සමාදානයේ සැතපීමත් තහනමකි. කුල ක්රමමය ඔවුනට උරුම කර ඇත්තේ ක්ෂය රෝගය පමණි.

ආසියාතික ක්රාමයේ ආ කුලවාදය අවසන් කිරීම ධනේෂ්වර ක්රකමයේ පුරසාරමේ දිවුරුමකි. නමුත් අද ධනේෂ්වර ක්රරමය පසුගාමී ආසියාතික ක්ර.මය සමඟ එක්ව දීග කන්නේ වඩා වාසිදායකම ක්රරමය එය වන නිසාවෙනි.

එරෙහි විය යුත්තේ හක්කේ මානව හිමිකම් හා බොක්කේ වහළුන් තබාගෙන සිටින ධනවාදයට නොවේද?

Page 1 of 8