Latest news
A+ R A-

altජීවීන්ගේ ලිංගික සංසර්ගයේ මූලාරම්භය පිළිබඳ කරුණු සොයා ගත් බව විද්‍යාඥයෝ පවසති.

බීජ ජනනයෙන් බැහැරව සිය වර්ගයා බෝ කිරීම සඳහා සංසර්ගයේ යෙදී ඇති පළමු ජීවියා මීට වසර මිලියන තුන්සීය අසූපහකට පෙර විසූ මයික්‍රෝබ්‍රකියුස් ඩිකි නමැති මත්ස්‍ය විශේෂය බව ජාත්‍යන්තර පර්යේෂණ කණ්ඩායමක් සොයා ගෙන තිබේ.

එල් අකුරට (L) සමාන පිරිමි මත්ස්‍යයාගේ ලිංගික අවයවය ගැහැණු මත්ස්‍යයාගේ පසුපස පිහිටි අස්ථි කොටසක් සමග එක් වීමෙන් සංසර්ගය සිදු වී ඇති බව විද්‍යාඥයෝ සොයා ගෙන ඇත.

නමුත් පසුව ලිංගික එක් වීමෙන් බැහැර වී ඇති මත්ස්‍යයන් සිය වර්ගයා බෝ කිරීම සඳහා බීජ ජනනය නැවත ආරම්භ කර ඇති බවයි පර්යේෂණ කණ්ඩායම පවසන්නේ.

ඉන් අනතුරුව මෝර සහ මඬු මත්ස්‍ය විශේෂයන්ගේ මුතුන්මිත්තන් නැවතත් බීජ දැමීමෙන් බැහැර වී සිය වර්ගයා බෝ කිරීම පිණිස ලිංගික සංසර්ගය දක්වා පැමිණීමට තවත් වසර මිලියන ගණනක් ගත විය.

සෙන්ටි මීටර අටක පමණ දිගින් යුත් මයික්‍රෝබ්‍රකියුස් ඩිකි නමැති මත්ස්‍යයා වර්තමාන ස්කොට්ලන්තයේ විලක වාසය කර තිබේ.

altආජන්ටිනාවේ ලා ප්ලෙචා ප්‍රදේශයට ආසන්න කාන්තාර ප්‍රදේශයට ආසන්න ස්ථානයකදී ලොව මෙතෙක් හමුවූ විශාලතම ඩයිනෝසර් ඇටකටු හමුව ඇති බව වාර්තාවේ. මෙහි විශේෂත්වය වන්නේ මෙතෙක් ලොව සොයාගෙන තිබූ ඩයිනෝසර් පොලිසවලට වඩා අලුතින් සොයාගෙන තිබෙන පොසිල අති විශාලවීමයි.