தமிழ்
English
Contact
Tuesday 3rd August 2021    
චීන කොමියුනිස්ට් පක්ෂ සංවත්සරය වෙනුවෙන් රුපියල් 1,000 සමරු කාසියක් නිකුත් කරයි | Lanka Views | Views of the truthLanka Views | Views of the truth

චීන කොමියුනිස්ට් පක්ෂ සංවත්සරය වෙනුවෙන් රුපියල් 1,000 සමරු කාසියක් නිකුත් කරයි



ශ්‍රී ලංකාව සහ චීනය අතර රාජ්‍ය තාන්ත්‍රික සබඳතාවල 65 වන සංවත්සරය නිමිත්තෙන් සහ චීන කොමියුනිස්ට් පක්ෂයේ 100 වැනි සංවත්සරය වෙනුවෙන් රුපියල් 1,000 සමරු කාසියක් ශ්‍රී ලංකා මහ බැංකුව විසින් නිකුත් කර තිබේ.

මහබැංකුවේ අධිපති මහාචාර්ය ඩබ්ලිව්. ඩී. ලක්ෂ්මන් විසින් ජනාධිපති ගෝඨාභය රාජපක්ෂ වෙත ඊයේ (06) සවස ජනාධිපති ලේකම් කාර්යාලයේදී එය පිළිගන්වා තිබේ.

කාසියේ එක්‌ පසෙක ශ්‍රී ලංකාවේ හා චීනයේ ජාතික ධජ සමගින්‌ නෙළුම්‌ පොකුණ මහින්ද රාජපක්ෂ රඟහලේ ඉදිරිපස පෙනුම කාසිය මධ්‍යයේ දැක්වේ. එහි 2022 යන්න රඟහලට පහළින්‌ විශාල ඉලක්කමින්‌ දක්වා ඇත. කාසියේ පරිදියේ ඉංග්‍රීසි, සිංහල හා දෙමළ භාෂාවලින්‌ “ශ්‍රී ලංකාව – චීනය වසර 65යි” යනුවෙන්‌ සටහන්‌ කර ඇත.

කාසියේ අනෙක්‌ පස රුපියල්‌ දහස සහ “චීන කොමියුනිස්ට්‌ පක්ෂය” යනුවෙන්‌ භාෂාත්‍රයෙන්‌ සඳහන්‌ වේ. රන්‌ සමරු කාසි 500ක්‌ සහ රිදි සමරු කාසි 2000ක්‌ නිකුත්‌ කළ බව මහ බැංකුව නිවේදනය කරයි.