தமிழ்
English
Contact
Monday 17th June 2019    
ජාතික ක්‍රීඩා උළෙලේ පාපැදි-මැරතන් ඇවිදීමේ තරග 23 | Lanka Views | Views of the truthLanka Views | Views of the truth

ජාතික ක්‍රීඩා උළෙලේ පාපැදි-මැරතන් ඇවිදීමේ තරග 23



45 වැනි ජාතික ක්‍රීඩා උළෙල වෙනුවෙන් මැයි 23 වැනිදා අනුරාධපුරයේදී ආරම්භ කෙරෙන පාපැදි, මැරතන් සහ ඇවිදීමේ තරග මාලාව විවෘත තරග ඉසව් ලෙස පැවැත්වීමට ක්‍රීඩා අමාත්‍යාංශය තීරණය කර තිබේ.

ජාතික ක්‍රීඩා උළෙලේ වසර 45 ක ඉතිහාසය තුළ එම තරග විවෘත තරග ඉසව් ලෙස පැවැත්වෙන්නේ පළමු වතාවටය. එක් පළාතකින් ක්‍රීඩකයන් 10 දෙනකු බැගින් හා ක්‍රිීඩිකාවන් හය දෙනකු බැගින් තෝරා ගැනීමට මෙතෙක් පැවති ක්‍රමවේදය නිසා පැන නැගුණු විෂමතා අවම කිරීම සඳහා විවෘත තරග පැවැත්වීමට තීරණය කර ඇත.

තරග පැවැත්වෙන ආකාරය මෙසේය

මැයි 23 – පාපැදි තරග – අනුරාධපුරය වලිසිංහ හරිස්චන්ද්‍ර ක්‍රීඩාංගණය ඉදිරිපිට
ආරම්භක වෙලාව තරගය දුර ප්‍රමාණය
පෙරවරු 9.00 රේසින් පිරිමි තරගය කිලෝ මීටර් 128
පස්වරු 3.00 රේසින් කාන්තා තරගය කිලෝ මීටර් 48
     
මැයි 24 – පාපැදි තරග – අනුරාධපුරය වලිසිංහ හරිස්චන්ද්‍ර ක්‍රීඩාංගණය ඉදිරිපිට
ආරම්භක වෙලාව තරගය දුර ප්‍රමාණය
පෙරවරු 6.00 ස්ටෑන්ඩඞ් – කාන්තා තරගය කිලෝ මීටර් 48
පෙරවරු 9.00 ස්ටෑන්ඩඞ් – පිරිමි තරගය කිලෝ මීටර් 128
     
මැයි 25 – ඇවිදීමේ තරග – අනුරාධපුරය ගුවන් තොටුපොළ පාරේ 7 වැනි කිලෝමීටර් කණුව අසල
ආරම්භක වෙලාව තරගය  
පෙරවරු 6.00 කාන්තා හා පිරිමි තරග  
     
මැයි 26 – මැරතන් තරග – අනුරාධපුරය වලිසිංහ හරිස්චන්ද්‍ර ක්‍රීඩාංගණය ඉදිරිපිට
ආරම්භක වෙලාව තරගය දුර ප්‍රමාණය
පෙරවරු 5.30 කාන්තා හා පිරිමි තරග  
 

ශ්‍රී ලංකා පාපැදි සම්මේලනය හා ශ්‍රී ලංකා මලලක්‍රීඩා සංගමයේ අධීක්ෂණයෙන් අනුරාධපුරයේදී ඇවිදීම, මැරතන් හා පාපැදි තරග මාලාව පැවැත්වීමට කටයුතු යොදා තිබේ.

එසේම ජාතික මහ ක්‍රීඩා උළෙලේ දක්ෂතා සදහා ලබා දෙන ත්‍යාග මුදල් වැඩිකිරීමට ක්‍රීඩා අමාත්‍යාංශය ගෙන ඇති තීරණය අනුව රන් පදක්කම් ලාභියෙකුගේ ත්‍යාග මුදල රුපියල් 25,000 සිට 50,000 දක්වා සහ රිදී හා ලෝකඩ පදක්කම් ලාභීන්ගේ ත්‍යාග මුදලද ඉහළ දමා තිබේ.