தமிழ்
English
Contact
Tuesday 23rd October 2018    
ජ.වි.පෙ. ජනමත විචාරණයකට බය නෑ - අනුර දිසානායක | Lanka Views | Views of the truthLanka Views | Views of the truth

ජ.වි.පෙ. ජනමත විචාරණයකට බය නෑ – අනුර දිසානායක



ඇතැමුන් පවසන ආකාරයට විධායක ජනාධිපති ක්‍රමය අහෝසි කිරීමේ අරමුණින් 20 වැනි සංශෝධනය ගෙන ආ ජනතා විමුක්ති පෙරමුණ  ජනමත විචාරණයකට අදාළව අකැමැත්තක් පළ කර නැති බව ජ.වි.පෙ. නායක අනුර දිසානායක පවසයි.

ජ.වි.පෙ. ගෙන ආ 20 වැනි සංශෝධන යෝජනාව පිළිබදව කොළඹ නවනගර ශාලාවේදී පැවැත්වූ සම්මන්ත්‍රණයට එක්වෙමින් ජ.වි.පෙ. නායකයා මේ බව සඳහන් කළේය.

ජ.වි.පෙ. නායකයා මේ ආකාරයට ජනමත විචාරණයකට අකැමැත්තක් පළ කර නැති බව විශේෂයෙන් සදහන් කළේ පසුගිය දිනක නීතිඥ නාගානන්ද කොඩිතුවක්කු විසින් කළ හෙළිදරව්වකට ප්‍රතිචාර වශයෙන් බව දේශපාලන අංශවල කතාබහට ලක්ව ඇත.

නිතිඥ නාගානන්ද කොඩිතුවක්කු විසින් මාධ්‍ය හමුවේ හෙළිදරව්වක් කරමින් පවසා තිබුණේ ජනතා විමුක්ති පෙරමුණ ඉදිරිපත් කරන 20වන සංශෝධනය මගින් ජනමත විචාරණයකට තුඩු දෙන වගන්ති සංශෝධනය කර ඇති බවය. එහෙත් එවැන්නක් සිදුකර නැති බවද ඒ සම්බන්ධයෙන් අධිකරණයේදී ජනතා විමුක්ති පෙරමුණ නීති තර්ක ඉදිරිපත් කළ බවත් එහිදී වැඩිදුරටත් අදහස් දැක්වූ අනුර දිසානායක මන්ත්‍රීවරයා ප්‍රකාශ කළේය.

20 වන ව්‍යවස්ථා සංශෝධනය සම්බන්ධයෙන් ජනතා විමුක්ති පෙරමුණේ සත්‍ය කතාව හෙළි නොකරන්නැයි එම පක්ෂයේ කිහිප දෙනෙක් තමන් ගෙන් ඉල්ලීම් කල බව නීතිඥ නාගානන්ද කොඩිතුවක්කු සඳහන් කරයි. කෙසේවෙතත්,  නිතිඥවරයා චෝදනා කරන්නේ ජනතා විමුක්ති පෙරමුණ විසින් 20 වන ආණ්ඩුක්‍රම ව්‍යවස්ථා සංශෝධනය සම්බන්ධයෙන් අනුගමනය කරන්නේ දෙබිඩි පිළිවෙතක් බවයි.

ජ.වි.පෙ. නායකයන් විසින් මහනාහිමිවරුන්ට ද පවසා ඇත්තේ සම්පූර්ණ අසත්‍යයක් බවත් සංශෝධනයේ අරමුණ විධායක බලය සම්පූර්ණයෙන්ම අගමැතිවරයාට පැවරීම බවත් ඔහු පවසයි.

මේ සම්බන්ධයෙන් සාක්ෂි ලෙස ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් විසින් ශ්‍රේෂ්ඨාධිකරණයට ඉදිරිපත් කර ඇති දිවුරුම් පෙත්සම මගින් පනත් කෙටුම්පත සම්මත කිරීමට ජනමත විචාරණයක් අවශ්‍ය නැතැයි පැහැදිලිවම සඳහන් කර ඇති බවද කියා සිටියේ ය.