தமிழ்
English
Contact
Tuesday 25th January 2022    
පුහුණුවෙන් පසු වසරක් බලා සිටියත් ඩිප්ලෝමාධාරී ගුරුවරු 3700කට පත්වීම් නෑ! | Lanka Views | Views of the truthLanka Views | Views of the truth

පුහුණුවෙන් පසු වසරක් බලා සිටියත් ඩිප්ලෝමාධාරී ගුරුවරු 3700කට පත්වීම් නෑ!



විද්‍යා පීඨ ගුරු පුහුණුව අවසන් කළ ඩිප්ලෝමාධාරී ගුරුවරු දහස් ගණනකගේ විභාග ප්‍රථිඵලය වසරක ප්‍රමාදයකින් පසුව ලැබී තිබුණද ඔවුන්ට නියමිත ආකාරයේ පත්වීම් ලබාගැනීමේ ගැටලුවක් මතුව තිබේ.

මෙම ගුරුවරු විසින් තමන් පදිංචි දිස්ත්‍රික්කවල පත්වීම් ලබාගැනිඹ සාමාන්‍ය ක්‍රමය වුවද පුහුණුව පාඨමාලාවට සරිලන පුරප්පාඩු නොමැතිකම හේතුවෙන් ගුරුපත්වීම්වලට සුදුසුකම් ලබා ඇති අධ්‍යාපන විද්‍යාපීඨ ඩිප්ලෝමාධාරී ගුරුවරු 3772 දෙනෙක් පාසල් වලට අනුයුක්ත කළ නොහැකි තත්වයක් ඇතිවී තිබෙන බව වාර්තා වේ.

ගුරු සංගම් නියෝජිතයෝ මේ සම්බන්ධව අදහස් දක්වමින් පවසා සිටින්නේ මෙම ගුරුවරුන් පාසල් වලට පත්කළ නොහැක්කේ අදාළ පාසල් වල පුරප්පාඩු නොමැති නිසා බවය. අධ්‍යාපන විද්‍යාපීඨවල විද්‍යා, ගණිත, ශාරීරික අධ්‍යාපනය, ප්‍රාථමික, ඉංග්‍රීසි ඇතුළු විවිධ පාඨමාලා ගණනාවකින් ගුරුවරු වසර 3ක් පුහුණුකර ඩිප්ලෝමා සහතික ලබා දෙනු ලබයි. මෙම පසුබිම තුළ, දිස්ත්‍රික්කය තුළ පත්වීම් ලබාගැනීමට පෙර පැවති ක්‍රමය වෙනුවට ඔවුන් පදිංචි දිස්ත්‍රික්ක වලින් පිටත දුරබැහැර පාසල්වලට අනුයුක්ත කිරීමට සිදුවී තිබේ.