தமிழ்
English
Contact
Wednesday 17th August 2022    
පෝක් සමුද්‍ර සන්ධිය තරණය කළ රොෂාන්ගෙන් නව ආසියානු වාර්තාවක්! | Lanka Views | Views of the truthLanka Views | Views of the truth

පෝක් සමුද්‍ර සන්ධිය තරණය කළ රොෂාන්ගෙන් නව ආසියානු වාර්තාවක්!



ලංකා ගුවන් හමුදා පිහිනුම්ශුර රොෂාන් අබේසුන්දර පෝක් සමුද්‍ර සන්ධිය හරහා කිලෝමීටර් 59 කුත් මීටර් 300 ක් පිහිනමින් නව ආසියානු වාර්තාවක් තැබීය.

ඔහු විසින් මන්නාරමේ සිට ඉන්දියාවේ රමේශ්වරන් සහ පසුපසට පිහිනීම සඳහා ෙගන අැත්ෙත් පැය 28 යි මිනිත්තු 19 තත්පර 43 ක් පමණි.
මේ අනුව, රොෂාන් අබේසුන්දර විසින් අදාළ ප්‍රයාමය පිණිස පැය 51 කින් පිහිනමින් වී.එස්. කුමාර් ආනන්දන්ගේ අවුරුදු 50 ක් පැරණි වාර්තාව බිඳ හෙළා අැත.

රොෂාන් 2021 ජනවාරි 3 වන දින මාතර සිට කොග්ගල දක්වා කිලෝමීටර් 25 ක දුරක් පැය 10 යි මිනිත්තු 37 ක කාලයක් පිහිනමින් නව වාර්තාවක් බිහි කළ අතර මාතර සිට හික්කඩුව දක්වා කිලෝමීටර් 49 ක දුරක් පිහිනමින් වාර්තාව නැවත අලුත් කළේය.

ඇමරිකානු පිහිනුම් පුහුණුකරුවන්ගේ සංගමයට අනුබද්ධ පිහිනුම් උපදේශකයෙකු විසින් පුහුණුව ලබා අැති රොෂාන්, ජනප්‍රිය ජූලියන් බොලින්ග්ගේ පුහුණුවද ලබා ඇත.