தமிழ்
English
Contact
Friday 29th May 2020    
මගෙ photo එක එක්ක ලබන අවුරුද්දෙත් පෙළ පොත් අච්චු ගහනවා - අඛිල විරාජ් | Lanka Views | Views of the truthLanka Views | Views of the truth

මගෙ photo එක එක්ක ලබන අවුරුද්දෙත් පෙළ පොත් අච්චු ගහනවා – අඛිල විරාජ්



පෙළපොත් මුද්‍රණයේදී අධ්‍යාපන අමාත්‍යවරයාගේ ඡායාරූපය හා පණිවුඩය ඇතුළත් කිරීම අඛණ්ඩව සිදුවන්නක් බවත්, ඒ සඳහා අමතර මුදලක් වැය නොවන නිසා ලබන වසරේ ලබාදෙන පෙළපොත්වලටත් ඡායාරූපය හා ප්‍රකාශය ඇතුළත් කරන බවත් අධ්‍යාපන අමාත්‍ය අකිල විරාජ් කාරියවසම් සඳහන් කර ඇත.

පෙළපොත් මුද්‍රණයේදී අධ්‍යාපන අමාත්‍යවරයාගේ ඡායාරූපය හා ප්‍රකාශය ඇතුළත් කිරීම නිසා රුපියල් කෝටි දහසයක මුදලක් අමතරව වැය වී තිබෙන බවට සිදුකරන ප්‍රකාශ ප්‍රතික්‍ෂේප කරන බවද අමාත්‍යවරයා පවසා සිටියේය.

ඡායාරූපය හා ප්‍රකාශය ඇතුළත් කිරීම නිසා මූල්‍ය පාඩුවක් සිදු වූ බවට ජනාධිපති විමර්ශන කොමිසම හමුවේ අධ්‍යාපන නිලධාරියෙකු ප්‍රකශ කළ බවට සමහර මාධ්‍ය වාර්තා කර තිබුණද, අදාළ නිලධාරියා එවැන්නක් ප්‍රකාශ නොකළ බවට දිවුරුම් ප්‍රකාශයකින් අධ්‍යාපන ලේකම්වරයා දැනුවත් කර තිබෙන බවද අධ්‍යාපන ඇමතිවරයා පවසයි.

එසේම අදාළ විමර්ශන කොමිශමට ජූලි පළමුවැනිදා හෝ 08 වැනිදා යන දින දෙකෙන් කැමැති දිනයක පැමිණෙන ලෙස දන්වා තිබෙන බවත්, ඒ අනුව දින දෙකෙන් කුමන හෝ දිනයක ගොස් ප්‍රකාශ ලබාදෙන බවත් අධ්‍යාපන අමාත්‍යවරයා වැඩිදුරටත් සඳහන් කළේය.