මරණ දඬුවම නියම වී සිටි දුමින්ද සිල්වාට පමණක් ජනාධිපති සමාව හිමි වීමෙන් පසුව මරණ දඩුවම නියම වී මහර බන්ධනාගාරයේ රඳවා සිටින රැඳවියන් 70 දෙනෙකු ආහාර වර්ජනයක් ආරම්භ කර තිබේ.

බන්ධනාගාර මාධ්‍ය ප්‍රකාශක බන්ධනාගාර කොමසාරිස් චන්දන ඒකනායක සඳහන් කළේ අද (24) දහවල් සිට මෙම රැඳවියන් ආහාර වර්ජනයේ නිරත වී සිටින බවය. ඔවුන් විසින් තමන්ට හිමිව ඇති මරණීය දණ්ඩනය ජීවිතාන්තය දක්වා සිරදඬුවමක් බවට ප්‍රකාශයට පත්කරන ලෙස ඉල්ලා සිටින බව දැනගන්නට ඇත.

ත්‍රස්තවාදය වැලැක්වීමේ පනත යටතේ සිරගත කර සිටි සැකකරුවන් ඇතුළු 16 දෙනෙකු ඇතුළු රැඳවියන් 93 දෙ‍නෙකුට අද විශේෂ ජනපති සමාව යටතේ නිදහස ලබාදීම සිදු විය.