தமிழ்
English
Contact
Tuesday 29th November 2022    
මේ අවස්ථාවේ හදිසි නීතිය පැනවීමට විරුද්ධයි ! - ජී.එල්.පීරිස් | Lanka Views | Views of the truthLanka Views | Views of the truth

මේ අවස්ථාවේ හදිසි නීතිය පැනවීමට විරුද්ධයි ! – ජී.එල්.පීරිස්



පත්කළ ජනාධිපති රනිල් වික්‍රමසිංහ විසින් හදිසි නීතිය පැනවීම ශ්‍රී ලංකා පොදුජන පෙරමුණේ ප්‍රතිපත්ති හා ව්‍යවස්ථාවට විරුද්ධ බව එහි ආරම්භක සභාපති, පාර්ලිමේන්තු මන්ත්‍රී මහාචාර්ය ජී.එල් පීරිස් පෙන්වා දෙයි.

මන්ත්‍රීවරයා පවසන්නේ මේ ආකාරයට මර්දනකාරි පියවර ගැනීම නිසා සැප්තැම්බරයේ ජිනීවාහිදී පැවැත්වෙන මානව හිමිකම් කොමිෂන් සභාවේදී ශ්‍රී ලංකාවට අහිතකර ලෙස බලපෑ හැකි බවය. මේ හේතුව නිසා යුරෝපා සංගමයෙන් ලංකාවට හිමිවන ජී.එස්.පී ප්ලස් සහනය අහිමිවීමට ද හේතු විය හැකි බව ඔහු සඳහන් කළේය.

දැනට ලංකාවේ පවතින තත්වය අනුව මහජන ජීවිත හා දේපල ආරක්‍ෂා කිරීමට පවතින සාමාන්‍ය නීතිය ප්‍රමාණවත් බවත්, හදිසි නීතිය පැනවීමේ කිසිඳු අවශ්‍යතාවයක් නැති බවත් පොදුජන පෙරමුණේ මන්ත්‍රී ජී.එල් පීරිස් පැවසුවේ අද (28) කොළඹ දී පැවති මාධ්‍ය හමුවක් අමතමිනි.