தமிழ்
English
Contact
Tuesday 27th October 2020    
ලංකාගම ජනතාවට ඇති මාර්ගයක අවශ්‍යතාවය පවිච්චි කරලා ආණ්ඩුව කරන්නෙ වෙන වැඩක් - ළහිරු වීරසේකර | Lanka Views | Views of the truthLanka Views | Views of the truth

ලංකාගම ජනතාවට ඇති මාර්ගයක අවශ්‍යතාවය පවිච්චි කරලා ආණ්ඩුව කරන්නෙ වෙන වැඩක් – ළහිරු වීරසේකර



ගාල්ල, නෙළුව සිට ලංකාගම දක්වා දිවෙන 18km මාර්ගය සැලසුම් කර ඇති පරිදි සංවර්ධනය කරදෙන ලෙස ඉල්ලමින් නෙළුව – ලංකාගම ප්‍රදේශවාසීන් අද විරෝධතාවයක නිරත වී තිබේ.

මෙම ප්‍රදේශවාසීන් විරෝධතාවයක නිරත වූවේ චෝදනා කර තිබුනේ රාජ්‍ය නොවන සංවිධාන කිහිපයක අවශ්‍යතාවය මත මාර්ගය සංවර්ධනය සම්බන්ධයෙන් අසත්‍ය ප්‍රචාර ගෙනයන බවයි.

වෙනසක තාරුණ්‍ය සංවිධානයේ ජාතික කමිටු සාමාජික ළහිරු වීරසේකරගෙන් ලංකාවීව්ස් කළ විමසීමකදී ඔහු පැවසුවේ ලංකාගම ප්‍රදේශවාසීන්ගේ මාර්ගයක අවශ්‍යතාවය වෙනුවෙන්ද පෙනී සිටීමට තම සංවිධාන ඇතුලු පරිසර ක්‍රියාකාරීන් සූදානම් නමුත් මාර්ගයක් ඉදිකරන මුවාවෙන් තම දේශපාලන වුවමනා වෙනුවෙන් ලෝක උරුම සිංහරාජය විනාශ කිරීමට තමන් විරුද්ධ බවයි.

ඔහු වැඩිදුරටත් පැවසුවේ ” ලංකාගම සිට නෙළුව දක්වා ගමන් කිරීමට පැරණි මාර්ගයක් තිබිලා තියෙනවා කියන එක අපි පිලිගන්නවා. නමුත් දැන් හදිසියේ ආණ්ඩුව හමුදාව යොදාගනිමින් මෙම මාර්ගය පුළුල් කිරීම සඳහා යම් කටයුත්තක් කරලා තියෙනවා. වෙනසක තාරුණ්‍ය සංවිධානය ලෙසත් වෙනත් පරිසර සංවිධාන කිහිපයකත් එකතුවෙන් ඊයේ දින මාධ්‍ය හමුවක් පවත්වමින් අපි කිව්වා ප්‍රදේශවාසීන්ට ගමන් කිරීම සඳහා මාර්ගයක් අවශ්‍යයි කියන එකට කිසිදු විවාදයක් නැහැ. අපි මතුකරන ප්‍රශ්නය ආණ්ඩුව හමුදාව යොදාගනිමින් කටයුතු කරන්නේ ජනතාවට පාරක් ඉදිකරදීමේ අරමුණෙන්ද කියන එකයි. මේ ජනතාව පවිච්චි කරපු මාර්ගය යම්කිසි විදිහකට සංවර්ධන කරලා ජනතාවට පහසුකම් සැපයීම අනිවාර්යයෙන් කළ යුතුයි. සිංහරාජය ගත්තම ජෛව විවිධත්වය අතින් ලෝකයේ ඉහළම තියෙන වනාන්තර ප්‍රදේශයක්. ලෝක උරුමයක්. මේ වනාන්තර ප්‍රදේශයේ බිම් අඟලක හරි හානියක් වෙනවනම් එය ප්‍රශ්නයක්. මෙය ඉදිකරන්නේ වනරක්ෂණ දෙපාර්තමේන්තුවේ හෝ මධ්‍යම පරිසර අධිකාරියේ කිසිදු වාර්තාවක් කැඳවන්නේ නැතුව. එහෙම වාර්තාවක් කැඳෙව්වානම් අඩුම තරමේ, අනුමැතියක් ගත්තනම් අඩුම තරමේ එම ආයතනවල මෙම රක්ෂිත ප්‍රදේශයට හානි නොවන පරිදි මාර්ගය ඉදිකරන්නේ කොහොමද කියන එක සම්බන්ධයෙන් කියන්න තිබුණා. රාජපක්ෂවරුන්ට අයත් හෝටල්වලට යන්න මේ පාර කපන්න 2013දීත් උත්සාහ කරා. ඒවගේම ඉදිරියට එන්න නියමිත ගිං – නිල්වල කියන ව්‍යාපෘතිය හරහා හම්බන්තොට කර්මාන්තපුරයට ජලය ගෙනයාමට අවශ්‍ය ඉදිකිරීම් කිරීම සඳහා අවශ්‍ය ද්‍රවය, වාහන ගෙනයාම සඳහා තමයි මෙතරම් කඩිනමින් ඉදිකිරීම් කරන්නෙ. ගිං- නිල්වල කියන ව්‍යාපෘතිය නිර්මාණය කරද්දී ඔය ගම්මාන කිහිපයක් යටවෙන්න පවා නියමිතයි. ජනතාව තමන්ට පාරක් ඉල්ලීම පාවිච්චි කරලා ආණ්ඩුව කරන්නේ වෙන වැඩක්. අපි විරුද්ධ වුණේ ඒකට. අපි ලංකාගම ප්‍රදේශවාසීන්ට කියනවා ආණ්ඩුව මාර්ගය හැදීමේ වගකීම පැහැර හැර තිබීම සම්බන්ධයෙන් විරෝධය පළකරන්නත් අපි සූදානම්. නමුත් මේ මාර්ගය ඉදිකරන්නේ ආණ්ඩුවේ වෙනත් දේශපාලන වුවමනාවක් ඉෂ්ඨ කරගන්න. ඒ නිසා පාර හැදෙන එක නතර වෙන වැඩේටත් වගකියන්න ඕනා ආණ්ඩුව මිසක් වෙන කවුරුවත් නෙමෙයි. අදාළ ආයතනවල නිසි තක්සේරු කිරීම් යටතේ මෙම මාර්ගය ඉදිකළ හැකිව තිබියදී ඊට එහා දේශපාලන වුවමනාවක් ඉෂ්ඨ කරගැනීමට කටයුතු කිරීම සම්බන්ධයෙන් තමයි අපේ විරෝධය තියෙන්නෙ.