தமிழ்
English
Contact
Wednesday 20th October 2021    
සිංගප්පූරුව අර්ජුන් මහේන්ද්‍රන්ව ලංකාවට එවීම ප්‍රතික්ෂේප කරලා | Lanka Views | Views of the truthLanka Views | Views of the truth

සිංගප්පූරුව අර්ජුන් මහේන්ද්‍රන්ව ලංකාවට එවීම ප්‍රතික්ෂේප කරලා



ශ්‍රී ලංකාවේ විශේෂ මහාධිකරණය විසින් කරන ලද නියෝගයට අනුව උදර්පණ නීතිය අනුව අර්ජුන් මහේන්ද්‍රන් ලංකාවට එවන ලෙස නීතිපති දෙපාර්තමේන්තුව වෙනුවෙන් ශ්‍රී ලංකාවේ ආරක්ෂක අමාත්‍යාංශය 2019 සැප්තැම්බර් මස 10 වන දින කරන ලද ඉල්ලීම සිංගප්පූරු රජය විසින් ප්‍රතික්ෂේප කර ඇතැයි වාර්තා වේ.

සිංගප්පූරුවේ නීති අනුව අර්ජුන් මහේන්ද්‍රන් වරදක් කර ඇති බවක් නිශ්චය කිරීමට මහේන්ද්‍රන්ට එරෙහිව ඉදිරිපත් කර ඇති සාක්ෂි අනුව හැකියාවක් නොමැති බව ශ්‍රී ලංකාවේ ආරක්ෂක අමාත්‍යාංශයට, අපරාධ පරීක්ෂක දෙපාර්තමේන්තුවේ අධ්‍යක්ෂ වරයාට මෙන්ම නීතිපති දෙපාර්තමේන්තුවේ නිළධාරීන්ට, “සිංගප්පූරු නීතිපතිගේ මණ්ඩළය” (Singapore Attorney General’s Chambers) විසින් දන්වා එවා ඇත.

2015 පෙබරවාරි 15 දින සිදු කළ රුපියල් බිලියන 10.058ක භාණ්ඩාගාර බිල්පත් මිළදී ගැනීම සාමුහික ක්‍රියාවලියක් වන අතර එහිදී අර්ජුන් මහේන්ද්‍රන්ට පමණක් චෝදනා එල්ල කිරීම සැලකිල්ලට ගත යුතු වන බව ද ඔවුන්ගේ පිළිතුරෙහි සදහන් වේ.

මෙම පිළිතුර 2020 අගෝස්තු මාසයේදී ශ්‍රී ලංකා රජයට දැනුම් දී ඇතත්, මෙතෙක් නීතිපති දෙපාර්තමේන්තුව විසින් එය විශේෂ මහාධිකරණයට දැනුම් දී නොමැති බව වාර්තා වෙයි.