தமிழ்
English
Contact
Wednesday 17th July 2019    
කැබිනට් රැස්වීම් නොපැවැත්වීම නීතියට පටහැනියි - ලක්ෂ්මන් කිරිඇල්ල | Lanka Views | Views of the truthLanka Views | Views of the truth

කැබිනට් රැස්වීම් නොපැවැත්වීම නීතියට පටහැනියි – ලක්ෂ්මන් කිරිඇල්ල



කැබිනට් මණ්ඩලය විධායකය වෙනුවන් පාර්ලිමේන්තුවට වගකියන බැවින් කැබිනට් රැස්වීම් නොපවත්වා සිටීම නීතියට පටහැනි ක්‍රියාදාමයක් බව සභානායක රාජ්‍ය ව්‍යවසාය සංවර්ධන සහ කන්ද උඩරට උරුමය පිළිබඳ අමාත්‍ය ලක්ෂ්මන් කිරිඇල්ල පවසයි.

19වන ආණ්ඩුක්‍රම ව්‍යවස්ථා සංශෝධනයේ 30(1) (5) යටතේ සහ ආණ්ඩුක්‍රම ව්‍යවස්ථාවේ 33(1) වගන්තිය යටතේ ආණ්ඩුක්‍රම ව්‍යවස්ථාව අනුගමනය කරන බවටද, ආරක්ෂා කරන බවටද, සඳහන් වන බැවින් ජනාධිපතිවරයා ඒ වෙනුවෙන් බැඳී සිටින බවද සභානායක අමාත්‍ය ලක්ෂ්මන් කිරිඇල්ල සඳහන් කළේය.

කැබිනට් රැස්වීම් නොපවත්වා සිටියහොත් ආණ්ඩුවේ කටයුතු සම්බන්ධයෙන් පාර්ලිමේන්තුවට පිළිතුරු සැපයීමට නොහැකි නිසා පාර්ලිමේන්තුව මේ සම්බන්ධයෙන් පියවරක් ගතයුතුව ඇතැයිද සභානායකවරයා වැඩිදුරටත් කීවේය.

සෑම අගහරුවාදා දිනකම ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වෙන කැබිනට් රැස්වීම ඊයේ (11) නොපැවැත්විණි. ජනාධිපතිවරයා පසුගිය සිකුරාදා පැවති හදිසි කැබිනට් රැස්වීමේදී පවසා තිබුනේ පාස්කු ඉරිදා ප්‍රහාරය පිළිබඳ සොයා බැලීමට පත්කළ පාර්ලිමේන්තු තේරීම් කාරක සභාවේ කටයුතු නැවත්වීමට පියවර නොගතහොත් තමන් කැබිනට් මණ්ඩල රැස්වීම් සඳහා සහභාගී නොවන බවයි.