දෛනිකව මහජන මුදල් රු ලක්ෂ 250කට අධික මුදලක් වැයකර පාර්ලිමේන්තු සභාවාර කැදවන ලද නමුත් අද (19) මහජන ගැලරියද වසා දමා තිබුණු බව වාර්තා විය.
පසුගිය වසරේ පමණක් පාර්ලිමේන්තු වාර 95ක් සදහා කෝටි 245ක වියදමක් දරා ඇති අතර මහජන මුදලින් නඩත්තුවන පාර්ලිමේන්තුව මෙන්ම පාර්ලිමේන්තු ක්රියාදාමය තුළ මහජනයාට ඇති උපයෝගිතාව අවම බව නිරීක්ෂකයන්ගේ අදහසයි. පසුගිය දින තුනකදී පාර්ලිමේන්තු මන්ත්රිවරු පාර්ලිමේන්තු කටයුතු නිසි ලෙස පවත්වාගෙන යන්නට අසමත් වී එකිනෙකා චෝදනා කරමින් පොත් පත් හා කසළ බදුන්වලින් දමා ගසමින් හා පාර්ලිමේන්තුවේ දේපළ විනාශ කරමින් කටයුතු කරන ලදී. මහජනයාගේ නියෝජිතයන් ලෙස ඡන්දයෙන් පත්වන මෙම පුද්ගලයන් මන්ත්රිධුරයට නුසුදුසු මෙන්ම මෙවැනි පාර්ලිමේන්තුවක් ජනතාවට බරක් මිස කිසිදු අයිතිවාසිකම් ආරක්ෂා කිරීමක් හෝ ප්රජාතන්ත්රවාදී අවකාශයක් නිර්මාණය නොකරන බව දේශපාලන විශ්ලේෂකයෝ පෙන්වා දෙති.
පසුගිය දිනවල කෝටි 50ට විකිනෙන මන්ත්රිවරු පිළිබද අනාවරණය විය. එසේම ඇතැම් අවස්ථාවල ජනතාවගේ ජීවන තත්වය පිළිබද විකෘතිකර තොරතුරු පවසමින් මාසයකදී සාමාන්ය පවුලකට රු. 2500කින් ජිවත්විය හැකි බවට කරුණු දැක්වීම අනුව එවැනි මන්ත්රිවරුන් තවදුරටත් ජනතාව නියෝජනය කරන්නට අසමත් බව සනාථ වේ. තවදුරටත් ලංකාවේ පාර්ලිමේන්තුව ජනතාවගේ අභිලාෂයන් ආරක්ෂා කිරීමට අසමත් විනාශකාරී හා නාස්තිකාරී ආයතනයක් බව ජනතාවගේම අත්දැකීම් අනුව නිගමනය කරන්නට සිදුව ඇත. මේ නිසා රාජ්ය පාලනය සදහා මහජනයාගේ සැබෑ නියෝජනයක් සහිත ජනතා බලයක් පාර්ලිමේන්තුවට පිටස්තරව පිහිටුවිය යුතු බවට වාමාංශික පක්ෂ විසින් යෝජනා කර ඇත.