පාසල්වලට ළමයින් ඇතුළත් කරගැනීමේදී දරුවන් සහ දෙමවුපියන්හට මුහුණදීමට සිදුවන සියලු දුෂ්කරතා සැලකිල්ලට ගනිමින් ළමයින් ඇතුළත්කරගැනීමේ නව චක්රලේඛයක් නිකුත් කිරීමට රජයේ අවධානය යොමුව ඇති බව ආණ්ඩුපක්ෂයේ ප්රධාන සංවිධායක අමාත්ය ගයන්ත කරුණාලික ඊයේ(27) පාර්ලිමේන්තුවේදී පවසා තිබේ.
පාසල්වලට ළමයින් ඇතුළත් කිරීමේ චක්රලේඛය වෙනස් කිරීම හේතුවෙන් පාසල අසල පදිංචිකරුවන්ට ළමයින් ඇතුළත් කිරීමේදී දැඩි දුෂ්කරතාවලට මුහුණදීමට සිදුවඇති බවට මන්ත්රී බිමල් රත්නායකයොමුකළ ප්රශ්නයකට පිළිතුරු දෙමින් ඔහු මේ අදහස් පළකර තිබුණි.
දිර්ඝ කාලයක් පදිංචිව සිටින අයට ඔප්පුව නොමැති වුවත් පදිංචිය සැළකිල්ලට ගෙන පාසලට ඇතුළත් කරගන්නා ආකාරයට නව චක්රලේඛයට සංශෝධන ගෙන එන බවද අමාත්යවරයා සඳහන් කර තිබුණි.
පසුගිය දිනවල පදිංචිය සනාථ කිරීමට ඔප්පු නොමැති වීම හේතු ලෙස දක්වමින් ගාල්ල සවුත්ලන්ඩ් බාලිකා විද්යාලයට දරුවන් හතරදෙනෙකු ඇතුලත් කරගැනීම ප්රතික්ෂේප කර තිබුණි. දරුවන් එම පාසලට ඇතුලත් කරගනු ලැබුවේ එම දරුවන්ගේ දෙමව්පියන් සහ නිදහස් අධ්යාපනය උදෙසා සිසු ජන ව්යාපාරය ගෙනගිය අරගලයක ප්රථිපලයක් වශයෙනි.