වසංගතයෙන් අඩපණ වූ අධ්යාපනය යළි ඇරඹීමේ කඩිනම් යෝජනාවලියක්!
Posted on 06.18.2021 by Chandana Sirimalwatte in දේශීය පුවත් with 0 Comments
(TopNews) වසංගතය නිසා සම්පූර්නයෙන් බිඳවැටී ඇති පාසල් අධ්යාපනයත් උසස් අධයාපනයත් යළි ආරම්භ කිරීම අවශ්යතාවක් ලෙස සළකමින් විවිධ ජනතා සංවිධාන රාශියක මූලිකත්වයෙන් කඩිනම් පියවර ගැනීමේ යෝජනාවලියක් ආණ්ඩුව වෙත ඉදිරිපත්කර ඇත.
කෝවිඩ් 19 වසංගතයට වසරක් ගෙවී යද්දී තවමත් නැවතත් පාසල් පද්ධතිය සම්පූර්ණයෙන්ම වසා දමා තිබේ. පසුගිය වසරේ මාර්තු 10 දින පාසල් පද්ධතියත්, මාර්තු 15 දින විශ්වවිද්යාල පද්ධතියත් වසා දමන ලදී. ලෝක සෞඛ්ය සංවිධානය ඇතුළු සෞඛ්ය බලධාරීන් විසින් වසංගත තත්ත්වය ඉදිරි වර්ෂ කිහිපයක් පුරා බලපැවැත්වෙනු ඇති බවට පුරෝකථනය කර ඇති පසුබිමක වසංගත තත්ත්වය පවතින මුළු කාලය පුරාම පාසල්, විශ්වවිද්යාල හා අනෙකුත් උසස් අධ්යාපන ආයතන වසා තැබීම කළ නොහැකිය.
සෞඛ්යාරක්ෂිත ක්රමවේද සකසමින් පාසල්, විශ්වවිද්යාල හා අනෙකුත් උසස් අධ්යාපන ආයතනවල සිසුන්ගේ අධ්යාපන කටයුතු අඛණ්ඩව පවත්වාගෙන යන්නේ කෙසේද යන්න පිළිබඳව සැලසුම් සහගත වැඩපිළිවෙළක් මෙතෙක් සාකච්ඡාවට නොගැණිනි. පාසල් විවෘත කරන බව අවස්ථා කීපයකදීම නිවේදනය කළ ද චක්රලේඛ ගැසීම විනා ඒ සඳහා කිසිඳු සෞඛ්යාරක්ෂිත සූදානමක් රජය පාර්ශවයෙන් නොතිබිණි. අ.පො.ස. උසස්පෙළ විභාගය පැවැත්වීමේදී සෞඛ්යාරක්ෂාව සැලසීම සඳහා එක් විභාග මධ්යස්ථානයකට වෙන් වූයේ රු.1000 ක් පමණි. පසුගිය අප්රේල් 04 දින පූර්ණ ලෙස පාසල් විවෘත කළද එය සති කිහිපයකට පමණකි.
එසේම විශ්වවිද්යාල විවෘත කිරීම සඳහා කිසිඳු ආකාරයක සූදානමක් විශ්වවිද්යාල ප්රතිපාදන කොමිෂන් සභාව ඇතුළු බලධාරීන්ට නොතිබිණි. සිසුන් ලක්ෂ 40 ට අධික පිරිසක් සිටින පාසල් පද්ධතිය විවෘත කිරීම තරම් විශ්වවිද්යාල විවෘත කිරීම සංකීර්ණ නොවේ. අවශ්යවන්නේ සෞඛ්යාරක්ෂාව තහවුරු කෙරෙන සැලසුම් සහගත වැඩපිළිවෙළකි.
මේ මොහොතේ වසංගතයද පවතින්නේ සෞඛ්ය අංශවල පාලනයෙන් ගිලිහුණු තත්ත්වයක වුවත් එය යම් පාලනයකට නතුකරගත් වහාම අධ්යාපන කටයුතු අඛණ්ඩව, ගුණාත්මකව ක්රියාත්මක කිරීම සඳහා සැලැසුම් සහගත මෙහෙයුමක් අරම්භ කළ යුතුය.
එහෙයින් විශ්වවිද්යාල ආචාර්යවරු, අධ්යාපනඥයන්, ගුරු සංගම්, ශිෂ්ය සංවිධාන, වෙනත් වෘත්තීය සමිති, බහුජන සංවිධාන ඇතුළු පාර්ශව රැසක් සමඟ සාකච්චා කොට වසංගතය තුළ පාසල්, විශ්වවිද්යාල හා වෙනත් උසස් අධ්යාපන ආයතනවල සිසුන්ගේ අධ්යාපන කටයුතු අඛණ්ඩව පවත්වාගෙන යාම පිළිබඳව වූ යෝජනා මාලාවක් ඉදිරිපත් කිරීමට අන්තර් විශ්වවිද්යාලයීය ශිෂ්ය බලමණ්ඩලය මූලිකත්වය ගෙන තිබේ.
යෝජිත වැඩපිළිවෙළ සකස් කිරීම සඳහා දායකත්වය සැපයු ආචාර්යවරු ඇතුළු සම්පත්දායකයන් සහ සංවිධාන පහත සඳහන් වේ.
- ශ්යාම බන්නැහැක, ආචාර්ය – පේරාදෙණිය විශ්වවිද්යාලය
- ශාමලා කුමාර්, මහාචාර්ය – පේරාදෙණිය විශ්වවිද්යාලය
- ජනක විජයකුලසුරිය, ආචාර්ය – පේරාදෙණිය විශ්වවිද්යාලය
- රොහාන් ප්රනාන්දු, මහාචාර්ය – විවෘත විශ්වවිද්යාලය
- බිහේෂ් ඉන්දික සම්පත්, මහාචාර්ය – කැලණිය විශ්වවිද්යාලය
- දිලීප විතාරණ, ආචාර්ය – විවෘත විශ්වවිද්යාලය
- කිත්සිරි දිසානායක, ආචාර්ය – මොරටුව විශ්වවිද්යාලය
- ප්රභාත් ඒකනායක, ආචාර්ය – පේරාදෙණිය විශ්වවිද්යාලය
- රම්යා කුමාර්, ආචාර්ය – යාපනය විශ්වවිද්යාලය
- ප්රිමාල් ප්රනාන්දු, ආචාර්ය – පේරාදෙණිය විශ්වවිද්යාලය
- සුමිත් චාමින්ද, කථීකාචාර්ය – කොළඹ විශ්වවිද්යාලය
- විසාකේස චන්ද්රසේකරම්, ආචාර්ය – කොළඹ විශ්වවිද්යාලය
- මහීම් මෙන්ඩිස්, ආචාර්ය – විවෘත විශ්වවිද්යාලය
- අසේල රංගදේව, ආචාර්ය – සෞන්දර්ය කලා විශ්වවිද්යාලය
- ජෝශප් ස්ටාර්ලින්, ප්රධාන ලේකම් – ලංකා ගුරු සංගමය
- සංජීව බණ්ඩාර, ලේකම්, ඒකාබද්ධ ගුරු සේවා සංගමය
- දයාරත්න පටබැඳි, ප්රධාන ලේකම් – පොදු ගුරු වෘත්තිකයන්ගේ සංගමය
- දීප්තිකා කුමාරි – ලේකම් – සමස්ත ලංකා එක්සත් ගුරු සංගමය
- මංජුල ජයසේකර – ලේකම් – ගුරුහ~ සංවිධානය
- සරත් කහගල්ල, ප්රධාන ලේකම් – ස්වාධීන ලංකා ගුරු සංගමය
- වසන්ත වීරක්කොඩි, ලේකම් – විදුහල්පති වෘත්තිකයන්ගේ සංගමය
- ගුණරත්න හේරත් – ජාතික සංවිධායක – ලංකා ස්වාධීන ගුරු සේවා සංගමය
- චතුර්ක නවරත්න – කැඳවුම්කරු – අධ්යාපනයේ නව වෘත්තීය සමිති බලවේගය
- නෙල්සන් මොහන්රාජ් – ප්රධාන ලේකම් – ජනතා ගුරු සංගමය
- චින්තක රාජපක්ෂ – මෙහෙයුම්කරු – ඉඩම් හා කෘෂිකර්ම ප්රතිසංස්කරණ ව්යාපාරය
- ලීනස් ජයතිලක, ප්රධාන ලේකම් – එක්සත් කම්කරු සම්මේලනය
- විදර්ශන කන්නංගර, ප්රැක්සිස් සාමූහිකය
- චතුර සමරසිංහ, සභාපති – ලංකා වතු සේවක සංගමය
- දුමින්ද නාගමුව, සංවිධායක ලේකම් – කම්කරු අරගල මධ්යස්ථානය
- ධර්මසිරි ලංකාපේලි, ප්රධාන ලේකම් – මාධ්යසේවක වෘත්තීය සමිති සම්මේලනය
Related News
දරුවන් මෙහෙකාර සේවයේ නොයොදනු-අපයෝජනවලට එරෙහිවනු ! – Free Women!
අජිත් රොහණට ළමාරක්ෂක අධිකාරියේ අධ්යක්ෂ තනතුරක්
ළමා මෙහෙකාර ජාවාරම ගැන පොලිසියට කියන්නලු !
බදියුදීන්ගේ නිවසේදී මියගිය දැරිය ගැන ළමාරක්ෂක අධිකාරියෙන් පරීක්ෂණයක්
