දසක ගණනක දීර්ඝ කාලයක් සිංහල සංගීත ක්ෂේත‍්‍රයේ අසමසම දායකත්වයක් දැක්වූ ප‍්‍රවීණ සංගීතවේදී එච්.එම් ජයවර්ධන අභාවප‍්‍රාප්ත විය.

රෝගාතුරව කළුබෝවිල ශික්‍ෂණ රෝහලේ ප‍්‍රතිකාර ලබමින් සිටි හෙතෙම මිය යන විට 69 වැනි වියෙහි පසුවිය. කලාකරුවකු ලෙස ඔහුගේ අදීනත්වය හෙළිකළ අවස්ථාවක් ලෙස ‘මුහුදු ලිහිණි‘ චිත‍්‍රපටය සඳහා ඔහු නිර්මාණය කළ සංගීතය වෙනුවෙන් ජනාධිපති සම්මානය’ හිමිවූ අවස්ථාව මෙරට සංගීත කලා ක්ෂේත‍්‍රයේ විශිෂ්ට මතකයක් ලෙස ඉතිරිව තිබේ. තමන්ට හිමි සම්මානය ඔහු එදා ප‍්‍රතික්ෂේප කළේ ‘තුන්වැනි යාමය‘ විත‍්‍රපටය වෙනුවෙන් ආචාර්ය ප්‍රේමසිරි කේමදාස නිර්මාණය කළ සංගීතය තම නිර්මාණට වඩා උසස් බව කියමිනි.

ජනප‍්‍රිය ගායක සහ සංගීතවේදී කසුන් කල්හාරගේ පියාණන්  වන හෙතෙම අභාවප‍්‍රාප්ත ප‍්‍රවීණ ගායන ශිල්පිනී මාලනී බුලත්සිංහලගේ ස්වාමි පුරුෂයා විය.

මේ අසහාය සංගීතවේදියාගේ මේ වනවිට දේහය බොරැල්ල මල් ශාලාවේ තැන්පත් කර ඇති බවත් අවසන් කටයුතු අපේ‍්‍රල් 10 වැනි බදාදා පස්වරු 3.00ට බොරැල්ල කනත්තේදී සිදු කිරීමට නියමිත බවත් රසික ජනයාට දැනුම් දෙමු.