නීතිවිරෝධී ලෙස එකලස් කරන ලද වාහනයක් නීත්‍යානුකූල බවට හැඟවීමට අනුබල දුන් බවට චෝදනා එල්ල වූ නඩුවෙන් රාජ්‍ය අමාත්‍ය පාලිත රංගේබණ්ඩාර නිදොස් කොට නිදහස් කිරීමට කොළඹ මහාධිකරණ විනිසුරු ගිහාන් කුලතුංග අද නියෝග කළා.

නීතිපතිවරයා විසින් පවරා තිබුණු මෙම නඩුවේ එහි වගඋත්තරකරුවන් ලෙස රාජ්‍ය අමාත්‍ය පාලිත රංගේ බණ්ඩාර සහ තවත් අයෙකු නම් කර තිබිණි. අද දිනයේ නඩුව කැදවනු ලැබූ අවස්ථාවේදී එම වාහනය ලබා ගත් පුද්ගලයා අධිකරණය හමුවේ කියා සිටියේ තමන්ට වාහනය සම්බන්ධයෙන් සියලු  ලියකියවිලි රාජ්‍ය අමාත්‍යවරයා විසින් ලබාදුන් බවයි. පසුව නීතිපතිවරයා විසින් පෙනී සිටි නියෝජ්‍ය සොලිස්ටර් ජනරාල්වරයා අදාළ පැමිණිල්ල ඉල්ලා අස්කර ගන්නා ලදී.