වෛද්‍ය උපාධිය මුදල් පදනම මත පිරිනමන මාලඹේ සයිටම් ආයතනය අහෝසි කිරීමට බලකිරීමට සහ ශිෂ්‍ය මර්දනය නතර කරන ලෙස රජයට බලකරමින් කලාකරුවන් පිරිසක් අද(13) ජනමාධ්‍ය හමුවකට එක් වූහ.

ඔවුන් අන්තර් විශ්වවිද්‍යාලයිය ශිෂ්‍ය බලමණ්ඩලය විසින් කැදවූ ජනමාධ්‍ය හමුවකට එක් වෙමින් සයිටම් ආයතනය පිළිබද ආණ්ඩුවේ පිලිවෙත සහ ශිෂ්‍ය මර්දනය සම්බන්ධව විරෝධය පළ කළහ. මරදාන සි.එස්.ආර් ශාලාවේදී පැවති මාධ්‍ය සාකච්ඡාවට විමුක්ති ජයසුන්දර, මාලක දේවප‍්‍රිය, මලිත් හෑගොඩ, ධර්මසිරි බෙනඩික්, ප‍්‍රියන්ත කොඩිප්පිලි, කෞශල්‍ය කුමාරසිංහ, භූපති නලින්, විදර්ශන කන්නන්ගර ඇතුලු කලාකරුවන් පිරිසක් සම්බන්ධ වූහ.