එ.ජා.ප. පළාත් පාලන මැතිවරණය අවාසිදාය නිසා එය කල්දැමීමේ අවසානයේ එහි වාසිය විපක්ෂයේ මහින්ද පාර්ශ්වයට ලබාදුන් අතර පලාත් සභා මැතිවරණ කල්දැමීමට සීමා නිර්ණ පනත පරාජය කරවීය. මේ වනවිට ජනාධිපතිවරයා ඉක්මන් මැතිවරණයකට යාමේ අදහසකින් කටයුතු කරන බව එ.ජා.ප. විසින් වටහාගෙන මෙවැනි ප්‍රකාශ නිකුත් කරන බව පෙනේ. මීළග වර්ෂය ආරම්භයේ නැවත ජනාධිපතිවරණයක් කැදවනු ලබන්නේ නම් එය මහින්ද ඇතුළු විපක්ෂයට අවාසිදායක වන අතරම ආණ්ඩුවේ පාර්ශ්ව දෙකටද වාසිදායක නැත. එහෙත් අවම හානි ගෙන දෙන්නේ මහින්ද රාජපක්ෂට හෝ ගෝඨාභය රාජපක්ෂට ඉදිරිපත් වන්නට නොහැකි ලෙස ඉක්මන් ජනාධිපතිවරණයක් කැදවීම බව එ.ජා.ප. කල්පනා කරන බව මෙයින් පැහැදිලි වේ.