தமிழ்
English
Contact
Saturday 24th October 2020    
ව්‍යවස්ථාදායක සභාව මැතිවරණ කොමිසම අගය කරයි | Lanka Views | Views of the truthLanka Views | Views of the truth

ව්‍යවස්ථාදායක සභාව මැතිවරණ කොමිසම අගය කරයි



ආණ්ඩුක්‍රම ව්‍යවස්ථා සභා රැස්වීම එහි සභාපති හිටපු කථානායක කරු ජයසූරියගේ ප්‍රධානත්වයෙන් ඔහුගේ නිල නිවසේදී පැවැත්විණි.

මෙම රැස්වීමට අග්‍රාමාත්‍ය මහින්ද රාජපක්ෂ, හිටපු විපක්ෂ නායක සජිත් ප්‍රේමදාස, හිටපු පාර්ලිමේන්තු මන්ත්‍රීවරුන් වන ආර් සම්බන්ධන්, මහින්ද සමරසිංහ, බිමල් රත්නායක, තලතා අතුකෝරළ සහභාගී වී සිට ඇත. ඊට අමතරව සිවිල් සමාජ නියෝජිතයන් වන ජාවෙඩ් යූසුෆ් සහ ආණ්ඩුක්‍රම ව්‍යවස්ථා සභාවේ මහලේකම් නාගනාදන් සෙල්වකුමාරන් සහ පාර්ලිමේන්තුවේ මහලේකම් ධම්මිකා දසනායක මෙන්ම පාර්ලිමේන්තු නියෝජ්‍ය මහලේකම් නීල් ඉද්දවල සහභාගී වී සිට ඇත.

එහිදී දුෂ්කර තත්වයන් හමුවේ සිය වගකීම් ඉටු කිරීමේදී මැතිවරණ කොමිෂන් සභාව විසින් ඉටුකරන ලද කාර්යභාරය අගය කළ යුතු බව ව්‍යවස්ථා දායක සභාවේ අදහස වී ඇති අතර ඒ පිළිබඳව පූර්ණ විශ්වාසය පළ කර ඇති බව වාර්තා වේ.

ඊට අමතරව අල්ලස් හෝ දූෂණ විමර්ශන කොමිෂන් සභාව විසින් තරඟ විභාගයකින් තෝරාගත් විමර්ශන නිලධාරීන් පත්කිරීම ප්‍රමාද වීම සම්බන්ධයෙන් මෙහිදී සාකච්ඡා වී ඇත. අල්ලස් හෝ දූෂණ විමර්ශනය කිරීමේ කොමිෂන් සභාවේ සභාපතිවරුන් සහ පොලිස් කොමිෂන් සභාව අල්ලස් හෝ දූෂණ විමර්ශනය කිරීම සඳහා කොමිෂන් සභාවට අනුබද්ධ පොලිස් නිලධාරීන් මාරු කිරීම සම්බන්ධව සාකච්ඡා කොට විසඳිය යුතු බව ව්‍යවස්ථා කවුන්සිලයේ මතය වී ඇත.

මානව හිමිකම් කොමිෂන් සභාව, රාජ්‍ය සේවා කොමිෂන් සභාව සහ මුදල් කොමිෂන් සභාව ලබා ඇති ප්‍රගතිය පිළිබඳව ද රැස්වීමේදී සාකච්ඡා කෙරිණි. දැනටමත් අනුමත කර ඇති මුදල් කොමිෂන් සභාව විසින් ලබා දී නොමැති හෙයින් පළාත් සභා එදිනෙදා කටයුතු කරගෙන යාමේ දුෂ්කරතා පිළිබඳව ද ආණ්ඩුක්‍රම ව්‍යවස්ථා සභාවේ අවධානය යොමු වී තිබේ.